Облыстағы барлық мектептерде соңғы қоңырау соқты. 9 және 11 сынып түлектері үшін емтихан маусымы басталады.
Онлайн брифинг барысында Сайрангүл Жұмадилова 9 және 11 сынып түлектері үшін ғана соңғы қоңырау рәсімі және аттестат тапсыру дәстүрлі түрде, санитарлық-эпидемиологиялық бақылау қызметінің барлық талаптарын қатаң сақтай отырып өтетінін хабарлады.
Биылғы оқу жылын 193 мың оқушы аяқтады, оның 16,3 мыңы – 9-сынып оқушылары, 8,7 мыңы – 11-сынып түлектері.
28 мамырдан бастап тоғызыншы сынып оқушылары бітіру емтихандарын тапсырып бастайды. Биылғы жылы төрт емтиханның орнына олар үш емтихан тапсырады. Ал 1 маусымнан бастап 11-сынып оқушылары бес емтиханның орнына төрт мемлекеттік бітіру емтихандарын тапсырады.
Сайрангүл Жұмадилованың ақпараты бойынша, 752 түлек «Алтын белгі» белгісіне үміткер, 476 түлек ерекше үлгідегі орта білім туралы аттестат алады. Тоғызыншы сынып оқушылары арасында 1,8 мың оқушы үздік аттестатқа үміткер.
Биылғы жылдың жаңашылдықтарының бірі, емтихан аяқталғаннан кейін, 15 минут ішінде «Алтын белгі» белгісіне үміткер оқушылардың жазбаша жұмыстары сканерден өткізіліп білім басқармасына электронды түрде жолдануы тиіс. Тексеру жүргізу үшін мекемеде арнайы комиссия құрылған. Ерекшелік белгілерін беру туралы шешімдер 12 маусымнан кешіктірілмей қабылданады.
- Егер түлек емтиханнан қанағаттанарлықсыз баға алса, қорытынды қайта аттестаттау 11-19 маусым аралығында өтеді. Емтихан уақытында короновируспен сырқаттанған оқушылар қорытынды аттестаттаудан босатылады. Бұл жағдайда баға жылдық баға қорытындысы бойынша қойылады. Егер оқушы байланыстағы тұлға болса, онда ол қашықтық форматында тапсырады, – деп түсіндірді Сайрангүл Жұмадилова.
26 мамырдан бастап жалпы білім беретін мектеп базаларында жазғы мектептер жұмыс істей бастайды. 19 маусымға дейін шектеу шаралары кезінде білім алуда жіберіп алған білімдерін толықтыру үшін барлық ниет білдірген оқушылар жазғы мектепте білім ала алады.
Біріңғай ұлттық тестілеу биылғы жылы электронды форматқа көшірілді. ҰБТ 6 мамырдан басталды, нәтижесі арқылы оқу грантын жеңіп алу байқауына қатыса алады. Бұл туралы Зейнеп Махсутова мәлімдеді.
Жоғарғы оқу орындарына грантқа түсу үшін Шығыс Қазақстаннан 6 864 түлек тіркелген. Білім саласында сапаны қамтамасыз ету департаментінің өкілдері тест жүргізудегі бақылаушылардың тізіміне енгізілді.
Ведоства басшысы Зейнеп Махсутованың айтуынша, абитуриенттер ҰБТ екі рет тапсыра алады, сонымен қатар, тест тапсыру уақытын олар өздері таңдайды. Грантты алу байқауына қатысу үшін тапсырушылар ең жақсы нәтиже беретін сертификатты ұсына алады.
- Балалардың тестілеуге асықпай қатысулары үшін бұрын-соңды болмаған жағдайлар жасалды. Тағы бір артықшылығы – нәтижесін тапсырып болғаннан кейін қолма қол білуге болады. Сонымен қатар ҰБТ қатысушылар дұрыс жауап бермеген сұрақтарын көре алады, – деп атап өтті Зейнеп Махсутова.
Тестілеу қорытындысымен келіспеген жағдайда, оқушылар, ертеңгі күнді тоспай апелляцияға қолма қол электронды арыз білдіруге мүмкіндік алды.
Қазіргі уақытта тестілеуге 1 780 адам қатысты. Бекітілген ережелерді бұзғандары үшін 16 адам шығарылып тасталды.
Сайрангүл Жұмадилованың айтуынша, жазғы демалыспен және сауықтырумен 183,5 мыңнан астам баланы немесе 100% қамту жоспарлануда. Әлеуметтік-осал санаттағы балалар басымдықта.
- Жазғы демалыс, сауықтыру және балалардың бос болмауы, Қазақстан Республикасының бас мемлекеттік санитарлық дәрігерінің Қаулысына сәйкес санитарлық, эпидемиологиялық талаптарды қатаң сақтай отырып ұйымдастырылады, – деді Сайрангүл Жұмадилова.
Жалпы, биылғы жылы балалардың жазғы демалысын ұйымдастыруға 220 млн. теңге бөлінді, олардан 194 млн. теңге әлеуметтік-осал санаттағы балаларға жолдама алуға, 26 млн. теңге маска және залалсыздандыру жабдықтарының төмендетілмейтін запасын қамтамасыз етуге жұмсалады.
Сайрангүл Жұмадилова берген ақпарат бойынша, барлығы 990 балалар лагерінің жұмыс істеуі жоспарлануда, оның ішінде үйірмелер, кружоктар, клубтар жұмыс істейтін 480 қосымша білім беру ұйымдарындағы, аулалық клубтардағы профильді алаңдар, 475 мектеп лагерлері, 35 қала сыртындағы лагерлер.
Сонымен қатар балалар лагеріне үш мыңнан астам педагог белсенді жұмылдырылды, олардың 855 тәрбиеші, 881 тәлімгер, 1250 қосымша білім педагогы және 546 медицина қызметкерлері. Сондай-ақ облыстық жоғарғы оқу орнында және колледждерде білім алатын педагогикалық отрядтар тартылады.
- Балалар лагері қызметінің алгоритміне сәйкес топтардың толу деңгейі жобалық қуаттың 50 пайызын құрайды. Қала сыртындағы лагерлерде балалар мен жұмысшылардың кіріп-шығулары бір уақытта жүргізіледі, ауысым арасында залалсыздандыру шараларын жүргізу үшін екі күн үзіліс болады. Бұл жерде короновирустың теріс ПТР тесті болуы керек. Мектептегі лагерлерге ПТР тесті қажет етілмейді, – деп хабарлады білім басқармасының басшысы.
Эпидемиологиялық жағдайға байланысты мектептен тыс білімді ұйымдастыру жұмысы жалғасады. 14 оқушылар сарайы, 39 балалардың өнер мектебі, 7 жас техниктер мен натуралистер стансасы, 58 аулалық жасөспірімдер клубы жұмыс істейді.
Тамыз айында дарынды балаларды зияткерлік олимпиадаларға дайындау мақсатында «Дарын» лагері базасында олимпиадалық резерв мектебі жұмыс істейтін болады. Жоғарғы оқу орындарының жетекші педагогтары мен ғалымдары екі апта ішінде облыстық, республикалық және халықаралық деңгейлердегі олимпиадаларға қатысатын облыстың зиялы құрамысын дайындайды.
160 мың оқушылар мен студенттерге «Ұлы Абай жолымен» жобасы шеңберінде Жидебай-Бөрілі, Ақшоқы тарихи кешеніне, Абай, Әуезов, Достоевский мұражайларына онлайн эспедициялар және туристік саяхаттар ұйымдастырылады.
Интернет-платформасын және әлеуметтік желілерді пайдалана отырып онлайн форматында балалардың жазғы демалыс өткізулеріде жоспарлануда. Сайрангүл Жұмадилованың айтуынша, әлеуметтік желілерде барлық ниет білдірген балаларға арналған «Online-Каникулы» аккаунты ашылды. Онлайн каникул бағдарламасына күнделікті қосымша білім беру мұғалімдерімен өткізілетін үйірмелер, шебер көрсетілімдер, көркем байқаулар, мұражайлар бойынша виртуалды саяхаттар, кітап оқу кіргізілген.
Бұдан бөлек жаз маусымында балалардың қауіпсіздігін қамтамасыз ету бойынша жұмыстарда ұйымдастырылды. Брифинг барысында белгілі болғандай, барлық білім беру мекемелерінде жаз маусымында су айдындарындағы балалардың қауіпсіздігі, санитарлық-эпидемиологиялық және өрт қауіпсіздігі және жол ережелерін сақтау сұрақтары бойынша ата-аналарымен жиналыстар өткізілген. Сонымен қатар, ШҚО ТЖ бойынша департаментімен жазғы шомылу маусымында балалардың қауіпсіздігі бойынша өзара әрекеттесу жоспарына сәйкес, лагерлердің шомылатын жерлеріндегі акваториясын тазарту бойынша сүңгуір жұмыстары жүргізілуде.
- Біз ТЖД бірлесе отырып білім бөлімдерінің басшыларымен және қала сыртындағы жазғы лагерлердің директорларымен судағы қауіпсіздік ережелерін сақтау сұрақтары бойынша онлайн семинар өткіздік. Жазғы маусымға арналған барлық лагерлерде сумен жабдықтау нысандарын дератизация, дезинсекция, тазалау, шаю және залалсыздандыру, кенеге қарсы іс-шара жұмыстары жүргізіледі. Нәтижесі бойынша санитарлық-эпидемиологиялық қорытынды және легерлерді ашуға арналған рұқсаттар алынады,- деп хабарлады Сайрангүл Жұмадилова.
Semey News
