«Республика мақтаныштары»: Бекнұр Мұқашев
2021 жылдың сәуір айында Шығыс Қазақстан облысы мектептерінің оқушылары мен колледждері, ЖОО студенттері арасында үздік инновациялық идеяларға арналған «New Generation» қашықтықтан облыстық VIII жылсайынғы IT-фестивалі өтті.
Конкурс дарынды балалар мен студенттерді анықтау мақсатында жыл сайын өткізіледі, сонымен қатар оқушылар мен студенттерді жобалау қызметіне тартуға, 3D-модельдеу және құрастыру технологияларының көмегімен орындалған макеттер, модельдер мен прототиптер жасауға ықпал етеді. Қазылар алқасының мүшелері ШҚО студенттері мен оқушыларының 100-ден астам жобасын қарады.
Байқау жеңімпаздарының бірі біздің жерлесіміз, Үржар ауданының Қ.Төлеубеков атындағы орта мектептің оқушысы Бекнұр Мұқашев болды. Ол өзінің басқа сыныптасы Ринат Сағатпекпен бірге байқауда Arduino UNO тақтасын пайдалана отырып, ауа температурасын, ылғалдылық пен газ деңгейін бақылау үшін арнайы құрылған«Қолжетімді биогаз» жобасын ұсынды.
Балалар өз жобаларын лайықты қорғап, құрметті ІІ орынға ие болды. Жас өнертапқыш мұнымен тоқтап қалмады және биылғы жылы ғылыми байқауларға қатысуды жалғастырды. Наурыз айында «Табыс жолы-2023: Білім.Ғылым.Кәсіп» Қазақстан, Ресей және Қырғызстанның техникалық және кәсіптік, орта білімнен кейінгі білім беру ұйымдарының студенттерін біріктірген Д.Қонаевтың 110 жылдығына арналған ғылыми-практикалық конференциясына қатысты. Конференцияның мақсаты студенттердің ғылыми-зерттеу қызметінің шығармашылық бастамаларын өзектендіру болды. Конференцияға қатысушылардың бірі үшінші орынды иеленген Бекнур болды. Келесі кезекте «Жас ғалым -2023» республикалық студенттік ғылыми-практикалық конференциясы өтті, онда Бекнур «Қолданбалы мән» номинациясы бойынша Грамотаға ие болды.
Кейін БекнұрМұқашев «Бізді ХХІ ғасырда бағалайды» атты жастардың ғылыми – зерттеу және шығармашылық жұмыстарының XVII ашық өңіраралық конкурсына қатысып, екінші орынға ие болды. Бекнурдың соңғы жетістіктерінің бірі СПО-2023 студенттеріне арналған Бүкілресейлік сырттай зерттеу/курстық жұмыстар байқауындағы жеңісі болды. Бекнур кәсіпқойлықты қолдауға және дамытуға, сондай-ақ өз өмірін өнертапқыштық қызметпен байланыстыруға көмектесетін осындай конкурстарға қатысуды жалғастыруды жоспарлап отыр.
Semeynews.kz
