«Республика мақтаныштары»: Аңсар Оразғалиев

Өткен жылдың желтоқсан айында Астанада «WorldSkills Kazakhstan — 2022» республикалық кәсіби шеберлік чемпионаты өтті, ол Республиканың барлық өңірлерінен 500-ден астам ТжКБ жүйесінің студенттері мен жастарын, сондай-ақ 500-ге жуық сараптамалық қоғамдастық пен бизнес өкілдерін біріктірді. Абай облысының командасына 8 жетекші колледжден 30 оқушы қатысты.

Чемпионат қорытындысы бойынша жерлестеріміз жоғары нәтиже көрсетіп, республиканың 20 командасы арасында жалпы командалық үшінші орынға ие болды. Біздің чемпиондардың қоржынында 5 алтын, 1 күміс және 4 қола медаль болды. 11 студент «Мамандығы бойынша үздік» номинациясы бойынша үздік деп танылды. Кәсіби шеберліктің чемпиондары ретінде 9 құзыреті бойынша 10 студент танылды. Осындай жеңімпаздардың бірі электротехникалық колледжінің студенті Аңсар Оразғалиев болды. Ол «Мехатроника» құзыретінде бірінші орынға ие болды. Аңсардың айтуынша, мехатроника оны тек бағдарламалауға ғана емес, сонымен қатар қолмен жұмыс істеуге мүмкіндік беруімен қызықтырады.

«Колледж педагогтары маған мехатроника жақсы берілгенін байқап, әлеуетті көріп, мені байқауға қатысуға ұсынды. Бастапқыда мен байқаудың облыстық кезеңіне қатыстым, онда өзімді жақсы көрсеттім, содан кейін біраз уақыт жаттығып, байқаудың республикалық кезеңіне бардым, онда мен жеңіске жеттім. «Мехатроника» құзыретінде екі адам белгілі бір уақыт ішінде шағын зауытты жинап, оны көрсетуі қажет болды. Үш күн ішінде бізге станциямен жұмыс жасауға шамамен төрт сағат уақыт берілді. Күннің соңында біз өз жұмысымызды бағалауға келдік. Балл шкаласы бойынша бағаланды. Кім көп ұпай жинаса, сол жеңді. Маған мехатроника ұнайды, өйткені ол жерде бағдарламалауға және қолмен жинауға болады», – дейді Аңсар.

Қазіргі уақытта Аңсар – Электротехникалық колледждің «техник-бағдарламашы» мамандығының төртінші курс студенті. Аңсар өзінің кәсіби мансабын таңдаған мамандығымен байланыстыруды жоспарлауда.

Semeynews.kz