Абай облысының мәдениет, тілдерді дамыту және архив ісі басқармасы мен Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығының ұйымдастыруымен Мұхтар Әуезовтің туған күніне арналған «Абай, Мұхтар мұрасы – адамзаттың асыл қазынасы» атты әдеби–квест ұйымдастырылды, – деп хабарлайды Semeynews.kz.
Әдеби-квестке облыстың мемлекеттік қызметшілерінен құралған:
Абай облысының қоғамдық даму басқармасының «Алау», Ветеринария басқармасының «Ертістің еркелері», Семей қаласы полиция басқармасының «Алғабас» және Мәдениет, тілдерді дамыту және архив ісі басқармасының «Самғау» командалары қатысып, бақ сынасты.
Әдеби-квест ережесіне сәйкес командалар Хакім Абай Құнанбайұлы мен кемеңгер жазушы Мұхтар Әуезовтің өмірі мен шығармашылығы және Абайдың Жидебай -Бөрілі қорық музейі туралы тапсырмалардан құралған 10 бекеттен өтті.
Әдеби-квесттің қазылық еткен әділқазылардың шешімімен “Алау” командасы жетекшісі Айдар Садырбаев бастаған мемлекеттік қызметкерлер Бас жүлдеге лайықты деп танылса, жүлделі І орында “Самғау” командасы иеленді, ІІ орынды “Ертістің еркелері” командасы қанжығасына байлап, ІІІ орынды “Алғабас” командасы алды.
Командалар дипломдармен, алғыс хаттармен және бағалы сыйлықтармен марапатталды.
Semeynews.kz
