Абай облысының Ақсуат ауданында бұқаралық спортқа көңіл бөлінуде

Бұқаралық спортты дамыту, мемлекеттік саясаттың басым бағыттарының бірі. Осы бағытта Ақсуат ауданында жоспарлы жұмыстар атқарылуда, – деп хабарлайды Semeynews.kz.

Биыл аудан орталығында бокс, қол күресі, гір көтеру, бассейн және волейбол спорт үйірмелері бар спорттық-сауықтыру кешені ашылды.

Ақсуат ауылының Қожамқұлов, Ұранхаев, Абылай хан, Байқыдыров ықшамауданында 4 шағын футбол алаңы және 4 балалар ойын алаңы салынып жатыр. Бұдан бөлек, Жамбыл, Кәрібай, Абай, Молдабай көшесінде балалар ойын алаңын салуға конкурстық рәсімдер өткізілген.

Бүгінде Кіндікті мен Қожакелді ауылдарында шағын футбол алаңы пайдалануға берілді. Бұдан бөлек, Аққала, Үштөбе, Қызылкесік, Сәтбаев, Тана мырза, Қарғыба, Ескі Көкжыра, Екпін ауылдарына шағын футбол алаңдары салынатын болады.

Жақын арада Көкжыра, Екпін, Ойшілік ауылдарына балалар алаңының құрылыс жұмыстарын жүргізетін мердігер компания анықталады. Ойын алаңдары тұрғындар игілігіне жыл соңына дейін пайдалануға беріледі деп жоспарланған.

Semeynews.kz