Абай облысының Бородулиха ауданы 95 жылдық мерейтойын атап өтті
️Іс-шаралар аясында әуелі мұрағаттық деректерден тұратын аудан тарихына, оның 1928 жылы қалыптасқандығы жайлы ақпараттар жарияланған жазбалар ұсынылды, – деп хабарлайды Semeynews.kz.
Келесі кезекте мерекелік шаралар Новошульба ауылында жалғасты. Онда жәрмеңке, концерт және бес түрлі қашықтықтан тұратын ат жарысы ойындары ұйымдастырылды. Бәйге қорытындысы бойынша бас жүлдеге тігілген автокөлік Абай ауданының тұрғыны Қымбат Аяпбергеновке бұйырды.
️Мереке соңы Бородулиха ауданының Мәдениет үйінде өтіп, Абай облыс әкімінің орынбасары Димитрий Гариков облыстың дамуына қосқан үлесі үшін құрметті азаматтарға медальдар табыстады.
Салтанатты шара «Берекелі Бородулиха» концерттік бағдарламасымен және «Бибігүл» халық аспаптары ашық оркестрінің әсем әуендерін орындауымен безендіріліп, аудан орталығында қуаныш пен бірлік атмосферасын тудырды.
Semeynews.kz
