Семейде Құлжановтар көшесіне асфальт төсеу жұмыстары аяқталды

Бұдан бұрын қала әкімі Нұрбол Нұрсағатовтың қабылдауында болған Құлжановтар көшесінің тұрғындары атылмыш көшеге асфальт төсеу жұмыстарын жүргізуді сұраған болатын, – деп хабарлайды Semeynews.kz.

Құлжановтар көшесі Шәкәрім университетінің оқу корпусы мен Абай даңғылындағы тұйық көше. Бұған дейін аталған көшеде асфальт жабыны мүлде болмағандықтан, Көктем мезгілінде студенттер мен тұрындарға жүруге кедергі келтіретін.

Ағымдағы жылы, Құлжановтар көшесіне ұзындығы 250 метр екі қабатты асфальт төсемі жүргізілді. Алдағы уақыта жол сызықтары салынатын болады.

Айта кетейік, биыл әлеуметтік нысандар мен білім мекемелеріне баратын жолдардың көпшілігі жөндеуден өтті.

Semeynews.kz