Абай облысының әкімі азаматтарды жеке мәселелермен қабылдады
Өңір басшысы Нұрлан Ұранхаев азаматтарды жеке мәселелерімен қабылдады, – деп хабарлайды Semeynews.kz.
Аймақ басшысы Нұрлан Ұранхаев Ақсуат және Көкпекті ауданынс жұмыс сапары аясында азаматтарды жеке мәселелерімен қабылдап, өңірді дамытуға арналған ұсыныстарын тыңдады.
Тұрғындар тұрғын үй-коммуналдық шаруашылық, көшені жарықтандыру, кітапхана мен ауылдық клуб салу, «Абай елі» оркестрінің шығармашылық құрамын кеңінен насихаттау, жұмыспен қамту мәселелерін көтерді.
Сондай-ақ, Көкпекті ауданының тұрғындары Көкпекті ауылында жеке балабақша салуды ұсынды. Көкпекті ауылындағы платинаны қайта жаңғырту және аудандағы аграрлық-техникалық колледжін күрделі жөндеуден өткізу ұсыныстары қаралды.
Қабылдау барысында барлық өтініштерге жан-жақты жауап айтылып, тиісті басқармаларға тапсырма берілді.
Semeynews.kz
