Бородулиха ауданында спорт үйірмелері дамытылуда

Бородулиха ауданындағы мектептер мен спорт үйірмелерінде дене шынықтырумен шұғылданушылар саны артып келеді, – деп хабарлайды Semeynews.kz.

Аудан бойынша бұқаралық спортты дамытуға ерекше мән беріліп, арнайы алаңдар салынған.

Зенковка ауылында шағын футбол мен воркаут алаңы ашылды. Шағын футбол алаңының салынуына жергілікті бюджет есебінен 16 млн 941 мың теңге бөлінсе, воркаут алаңының құрылысына 16 млн 952 мың теңге жұмсалған. Спорттық нысандардың құрылысын “ЖАҢА СЕМЕЙ.KZ” ЖШС компаниясы жүргізген.
Жаңадан салынған алаңдардың құрылыс жұмыстары ағымдағы жылдың 14 маусымында басталып, 15 қыркүйек күні пайдалануға берілді.

Саламатты өмір салты, дене шынықтыру мен спортты дамыту – елімізді дамыту стратегиясының маңызды міндеттерінің бірі.

Semeynews.kz