«Аягөз – Бақты» теміржолының шекарасы анықталды

Абай облысы әкімінің бірінші орынбасары Айдын Кәрімовтің төрағалығымен кезекті жиын өтті, – деп хабарлайды Semeynews.kz.

Күн тәртібінде Қазақстан-Қытай шекарасын қолданыстағы Семей-Ақтоғай теміржол учаскесімен байланыстыратын «Аягөз – Бақты» теміржолын салу үшін жерді резервке алу мәселесі қаралды.

Жаңа теміржол Қазақстан мен Қытай арасындағы тауар айналымын арттыруға, сондай-ақ жүктерді тасымалдау инфрақұрылымын жақсартуға ықпал етеді.

Теміржолды сапалы салу үшін қажетті жер телімдерін сақтаумен айналысатын комиссия құрылды.

Отырыс барысында «Қазақстан Темір Жолы» ҰҚ» АҚ өтінішімен комиссия мүшелері болжамды теміржол бағытын талқылап, жер учаскелеріндегі меншік иелерінің тізімін қарастырды. Кездесу нәтижесінде оң шешім қабылданды.

Semeynews.kz