8 қыркүйекте Шанхай ынтымақтастық ұйымының Өңірлік терроризмге қарсы құрылым кеңесінің 40-шы отырысы өтеді, – деп хабарлайды Semeynews.kz ҚазАқпаратқа сілтеме жасап.
«2023 жылғы 8 қыркүйекте Астанада Қазақстанның төрағалығымен Шанхай ынтымақтастық ұйымының Өңірлік терроризмге қарсы құрылым кеңесінің 40-шы отырысы өтеді.
Отырыс барысында ШЫҰ-ға мүше мемлекеттердің қауіпсіздігіне қатер төндіретін террористік, сепаратистік және экстремистік ұйымдар мен топтардың заңсыз әрекетіне бірлескен іс-қимылды үйлестіруге қатысты бірқатар мәселелерді талқылау жоспарлануда», – деді министрліктің ресми өкілі Айбек Смадияров.
Оның айтуынша, кеңес отырысында ақпараттық қауіпсіздік саласындағы ынтымақтастық мәселелері, алдағы іс-шараларға дайындық барысы қаралады.
Semeynews.kz
