Ресей Федерациясы Тверь облысы, Куженкино елді мекенінің маңында Embraer ұшағы апатқа ұшырады, деп хабарлайды ҚазАқпарат ТАСС-қа сілтеме жасап.
Елдің Төтенше жағдайлар министрлігінің мәліметіне сәйкес, бортта 3 пилот пен 7 жолаушы болды, барлығы қаза тапты.
«МНТ-Аэро» компаниясына тиесілі ұшақ Шеремьетево әуежайынан Санкт-Петербургке бет алған.
Росавиация көз жұмған 10 адамның тізімін жариялады. Олардың арасында «Вагнер» жеке әскери компаниясының басшысы Евгений Пригожин мен өзге де мүшелері бар.
Ұшақ апатынан көз жұмғандар тізімі:
– Евгений Пригожин;
– Дмитрий Уткин;
– Сергей Пропустин;
– Евгений Макарян;
– Александр Тотмин;
– Валерий Чекалов;
– Николай Матюсеев;
– Алексей Левшин (әуе кемесінің командирі);
– Рустам Каримов (екінші пилот);
– Кристина Распопова (бортсерік).
«Embraer-135 (EBM-135BJ) ұшағы ұшуын әуе кеңістігін пайдалануға белгіленген тәртіппен берілген рұқсаттың негізінде жүзеге асырды», – делінген Росавиация хабарламасында.
ТАСС-тың ақпаратынша, «Embraer-135 (EBM-135BJ) «Вагнер» ЖӘК негізін қалаушы Евгению Пригожиннің бизнес санаттағы жеке ұшағы болған.
Semeynews.kz
