Семейде жаңа автокөлік көпірінің құрылысы жалғасуда
![](https://semeynews.kz/wp-content/uploads/2023/08/WhatsApp-Image-2023-08-08-at-13.14.15-780x470.jpeg)
Өткен жылдың мамыр айында Семейде жаңа автокөлік көпірінің құрылысы басталды. Мердігер-елордалық “Integro Construction KZ”ЖШС компаниясы, – деп хабарлайды Semeynews.kz.
Қазіргі уақытта мұнда көпір тіректерін орнату жұмыстары жүргізілуде. Мердігерлер атап өткендей, кесте бойынша кешігулер жоқ.
«Бірінші тіректі 80% – ға, екінші тіректі 70% – ға орнату бойынша жұмыстар орындалды. Енді олар үшінші тіректің құрылысын бастады. Сондай-ақ сегізінші және тоғызыншы тірек бойынша жұмыстар жүргізілуде. Біз кесте бойынша жұмыс істейміз, артта қалушылық жоқ. Аралық құрылыстың металл конструкцияларына тапсырыс берілді, келесі аптада жеткізіледі деп күтілуде», – дейді жоба жетекшісі Алмаз Абсалимов.
Биыл көпірдің алғашқы үш тірегі мен екі аралықтың құрылысын аяқтау жоспарлануда. Барлығы тоғыз тірек пен сегіз аралық салынады. Көпірдің өзі ескі автокөлік көпірінің өлшемдеріне толығымен сәйкес келеді, өзгерістер тек жолақтардың еніне әсер етеді. Жаңа стандарттар бойынша автокөлік жүргізушілеріне ыңғайлы болу үшін жолақтың ені 3,5 метрді құрайды.
Кішігірім ұсақ-түйектерді қоспағанда, құрылыста ерекше қиындықтар болмайды.
«Біраз ұсақ-түйек кедергілер бар, атап айтсақ, мұнда негіздемесі жартасты, алтыншы-жетінші категориялы, бірақ, негізінен, біз бұған дайын болдық. Жұмыстар жүргізілуде. Қазіргі уақытта біз мұнда жұмыс қалашығын жабдықтадық, жергілікті тұрғындар мен олардың көліктерінің қауіпсіздігін қамтамасыз ету үшін қозғалысты тоқтатамыз», – деп қорытындылады Алмаз Абсалимов.
Жұмыстарды аяқтау 2025 жылы жоспарлануда.
Semeynews.kz