Абай облысында жалпы білім беретін мектептердің 8-11 сынып оқушылары арасында XXIV республикалық «Абай оқулары» байқауы басталды. Оған еліміздің 16 өңірінен 131 оқушы, 27 жетекші қатысады, – деп хабарлайды Semeynews.kz.
Байқаудың мақсаты – қазақ халқының әдеби мұраларын дәріптеу, мектеп оқушыларының классикалық әдебиеттерді оқуға деген қызығушылықтарын арттыру. Байқауға «Көңілім әнді ұғады», «Ұлылар әлемі», «Өлең – сөздің патшасы, сөз сарасы», «Абайдың қара сөздері», «Абайдың ақын шәкірттерінің шығармалары», «Жүйріктен жүйрік озар жарысқанда» номинациялары бойынша қатысады.
Байқау барысында қатысушылар Семей қаласының мәдени-тарихи орталықтарымен танысып, қаланы аралайды. Сайыстың ақтық кезеңі 9 тамыз күні Абай аудандық мәдениет үйінде өтеді.
Semeynews.kz
