Омбудсмен Артур Ластаев Абай облысына келді

Артур Ластаев облыстық прокуратура және басқа да құқық қорғау органдарының қызметкерлерімен кездесу өткізді, оның барысында адам құқықтарын сақтау мәселелері талқыланды, – деп хабарлайды Semeynews.kz.

Осыдан кейін Адам құқықтары жөніндегі уәкіл облыс прокуратурасының басшылығы және ұлттық алдын алу тетігі өкілдерімен бірлесіп Семей қаласының орташа қауіпсіздік мекемесін тексеріп шықты.

Омбудсмен сотталғандарды ұстау жағдайы, тұрмыстық және өндірістік объектілермен танысты, медициналық кабинеттер мен тәртіптік изоляторды қарап шықты, шағымдар мен өтініштерге арналған электрондық терминалдардың жұмысын тексерді, сондай-ақ сотталғандарды жеке қабылдады.

Соңында Артур Ластаев азаматтар құқықтарының конституциялық кепілдіктерін одан әрі нығайтуға бағытталған міндеттердің басымдылығын айтып өтті.

Semeynews.kz