Абай облысының әйелдері білікті мамандардан тегін көмек алу мүмкіндігіне ие болды
«Жәмила» емханасы орналасқан ғимаратта перинаталдық орталықтың клиникалық-диагностикалық бөлімшесі (әйелдер консультациясы) ашылады. Мұндағы барлық қызметтер тегін көрсетіледі, сонымен қатар олардың тізімі айтарлықтай кеңейеді.
Естеріңізге сала кетейік, «Жәмила» жеке емханасының басшылығы, 20 жылдан астам уақыт бойы Семей қаласының орталығындағы жалға берілетін ғимаратта орналасты. Ғимараттың басқа мекемеге берілуіне байланысты БАҚ арқылы жұртшылыққа жүгінді. Сонымен қатар, бұл жер мемлекеттік меншікте және перинаталдық орталыққа беріледі.
Перинаталдық орталықтың осы ғимаратында мамандандырылған бөлімше ашу жоспарлары туралы айтылды.
– Клиникалық-диагностикалық бөлімшенің негізгі міндеті Абай облысының жүкті әйелдерін орталықтандырылған скрининг және бақылау, жүктілік басталғанға дейін бала туу жасындағы әйелдерді сауықтыру болады. Сондай-ақ, бұл ғимаратта аумақтық шалғай, қол жетімділігі қиын аудандардан жоғары қауіп факторлары бар жүкті әйелдерді алдын ала емдеуге жатқызу үшін облыстық деңгейдегі пансионат ұйымдастырылады, – деп атап өтті Абай ДСБ «Облыстық перинаталдық орталық» ШЖҚ КМК өкілдері.
Сонымен қатар, нысаналы мекемені беру туралы шешім перинаталдық орталыққа медициналық көмектің кепілдік берілген көлемі шеңберінде барлық санаттар үшін емдеудің қолжетімділігі мен сапасын жақсартуға мүмкіндік беретінін және бөлімшедегі барлық қызметтер тегін көрсетілетінін атап көрсетеді.
Қазіргі уақытта жоспарлы және шұғыл гинекологиялық көмек халыққа қажетті стационарлық көмектің толық көлемін орындайтын 2 көп бейінді стационарда көрсетіледі. Кардиологиялық пациенттерге оңалту көмегі 4 мамандандырылған стационарда көрсетіледі. Яғни, «Жәмила» мекемесі – медициналық оңалтуды, кардиологиялық пациенттерге қалпына келтіруді көрсететін жалғыз денсаулық сақтау субъектісі.
Толыққанды клиникалық-диагностикалық бөлімшені өрістету 28 кабинет, 10 стационарды алмастыратын төсек, процедуралық, шағын операциялық блоктар және 3 зертханадан медициналық-генетикалық консультация ашуды көздейді. Перинаталдық орталықтың жаңадан құрылған бөлімшесінің өткізу қабілеті күніне 350 келуді құрайды, жылдық бару – 95 000. Қызметкерлер штаты қосымша жұмыс орындарын ашуды көздейді және кемінде 87 қызметкерді құрайды. Осылайша, «Жәмила» мекемесінің 80-нен астам маманы жұмысынан айырылатыны туралы таратылған мәліметтер шындыққа жанаспайды.
Semeynews.kz
