Абай облысында полицейлер 9 «қалта-ұрыларын» ұстады

Жыл басынан бері Абай облысында полицейлер 15 қалта ұрлығына қатысы бар 9 ұрыны ұстады, – деп хабарлайды Semeynews.kz.

Абай облысы ПД баспасөз қызметінің хабарлауынша, ағымдағы жылдың 30 мамырында Семей қ. ПБ Әуезов полиция бөлімі облыс орталығының 35 жастағы тұрғынына хабарласып, белгісіз адам Қабанбай батыр көшесі бойындағы автобус паркінен үйге барар жолда, көлік салонында болған кезде күртешенің қалтасынан еркін қол жеткізу жолымен 30 000 теңге тұратын ұялы телефонды жасырын ұрлап кеткенін хабарлады.

• Жедел-іздестіру іс-шараларын жүргізу нәтижесінде Әуезов ПБ қызметкерлері, ұялы телефонды ұрлады деген күдікпен қаланың 31 жастағы тұрғынын жеткізді. Жауап алу барысында ер адам кінәсін мойындады.
  Ұрлық фактісі бойынша ҚР ҚК-нің 188-бабының 1-бөлігі бойынша сотқа дейінгі тергеу жүргізілуде.
  Облыс орталығында қалта ұрлығын ашу бойынша арнайы топ жұмыс істеп жатқанын атап өткім келеді. Осы жұмыс тобы бірнеше күн бұрын жалпы құны 257 000 теңге болатын смартфондарды ұрлаудың 2 фактісін ашты. Күдікті 41 жастағы ер адам қала базарларында қалта ұрлығымен айналысқан.
  Тәжірибе көрсеткендей, қалта ұрыларының көпшілігі таңертең және кешке, адамдар жұмысқа, оқуға баратын кезде жасалады, себебі сол уақытта ұрылар үшін ыңғайлы. Барлық жағдайда қаскөйлер бір схема бойынша әрекет еткен: қоғамдық көліктерде, базарларда, сауда үйлерінде және адамдар көп жиналатын басқа жерлерде, олар алдын ала таңдалған адамға жақындап, сәтті пайдаланып, ұрлықты іске асырған, – деді Абай облысы ПД бастығының орынбасары Нариман Күлдіков.

Өзіңізді ұрылардан қорғау үшін полиция келесідей кеңес береді: дүкенде жүргенде сөмкені азық-түлік арбасына салмаңыз, кезекте тұрғанда қырағы болу керек, сөмкені қолыңызда ұстап, әмиян мен бағалы заттарды полиэтилен пакетке салмау керек.

Қоғамдық көлікте саяхаттау кезінде қырағылықты жоғалтпаңыз және сөмкенің әрқашан жабық екеніне көз жеткізіңіз.

Semeynews.kz