«Денсаулыққа 10 қадам» челленджі аясында Абай облысының штаттан тыс бас эндокринологы Сәуле Смағұлованың қатысуымен тікелей эфир өтті, – деп хабарлайды Semeynews.kz.
«Бүгінгі күні қант диабеті және басқа эндокриндік патологиялар сияқты аурулармен бірге предиабет тұр. Предиабет – қандағы глюкозаның қан диабеті деңгейіне жетпей жоғарылауы. Зерттеу нәтижесі бойынша Қазақстандағы 15 000-ға жуық қатысушының, 38% көмірсулар алмасуының көрсеткіштері предиабетке сәйкес келеді. Алдағы 5 жылда предиабетпен ауыратын науқастар қант диабетіне ұшырайды»,- дейді Сәуле Смағұлова.
Айта кетейік, пандемия басталғаннан бері бүкіл әлемде қант диабетімен ауыратындардың саны артқан. Себебі, карантин уақытында адамдар салауатты өмір салтын ұстанбады. Көп мөлшерде калориялы тағамдарды тұтынды, бұл одан әрі көмірсулар алмасуының бұзылуына әкелді. Осылайша, қант диабетімен ауыратын адамдар жүрек-қан тамырлары асқынуларына тап болды.
Микро және макроангиопатияда жүрек, бүйрек және ми зақымдалады, 2 типті қант диабеті бар науқастарда төменгі аяқ-қолдар зақымдалады, ампутация ықтималдығы жоғары. Дегенмен, асқынулардың дамуы бірнеше жыл бойы асимптоматикалық болуы мүмкін.
*Ангиопатия – қант диабетіндегі қан тамырларының бұзылуы, ол қан құрамының өзгеруінен туындаған капиллярлар мен артериялардың функционалдық бұзылыстарымен сипатталады. Міндетті әлеуметтік медициналық сақтандыру аясында науқастар учаскелік дәрігерге хабарласып, тегін тексеруден өту алады. Кейін, анықтама арқылы қандағы глюкозаның тексере алады.
Қандай тексерістер жоғары қант мөлшерін анықтайды:
1. Глюкоза үшін қан. Қант диабетіне дейінгі кезеңде глюкоза деңгейі 5,6-дан 6,7 ммоль/л-ден асады
2. Глюкозаға төзімділік сынағы (глюкоза жүктемесі бар сынақ). Қант диабетіне дейінгі кезеңде глюкоза деңгейі 6,1-7,0 ммоль/л құрайды
3. Гликирленген гемоглобин. Предиабетпен глюкоза деңгейі 6-6,4 ммоль/л құрайды.
«Қант диабетін ерте диагностикалау және ерте анықтау түрлі аурулардың алдын алатынын ескертеміз. Сол арқылы біз бұл аурудың дамуын бәсеңдете аламыз», – деп түсіндірді Сәуле Смағұлова.
Тікелей эфир барысында қатысушылар штаттан тыс бас эндокринолог дәрігерден өзекті сұрақтарына жауап ала алды.
Semeynews.kz
