Абай облысында 1500 адам және 300-ге жуық техника бес учаскеде өрт сөндіріп жатыр

Абай облысында 5 учаскеде өрт сөндіру жұмыстары жалғасып жатыр, – деп хабарлайды Semeynews.kz ТЖМ баспасөз қызметіне сілтеме жасап.

Ведомство мәліметінше, қазіргі уақытта өрт сөндіруге ТЖМ, Орман шаруашылығы комитетінен, ЖАО және Қорғаныс министрлігінен 1500 жуық адам, 290 астам техника жұмылдырылған.

Өрт сөндіру жұмыстары басталғаннан бері өрт ошақтарына әуеден 486 рет жалпы көлемі 1 000 тоннаға жуық су тасталған.

Алматы қаласы, Алматы облысы ТЖД жіберілген күш-құралдар, Қарағанды және Алматы облыстарының ҚР ТЖМ әскери бөлімдерінің қызметкерлері өрт сөндіруге кірісті.

Арнайы жіберілген жылжымалы басқару пункті өз функциясын атқарып жатыр.

Апаттар медицинасы орталығының бригадасы қажет болған жағдайда шұғыл медициналық көмек көрсетуге дайын.

Semeynews.kz