Абай облысында колония аумағына тыйым салынған заттарды лақтырмақ болған азамат ұсталды

Абай облысында колония аумағына тыйым салынған заттарды лақтырмақ болған азамат ұсталды, – деп хабарлайды Semeynews.kz.

Абай облысы ҚАЖ департаментінің №20 мекеме жедел бөлім қызметкерлері, аумақтық сыртқы периметрді бақылау барысында, тыйым салынған затты лақтырмақ болған күдіктіні ұстады. Семей қаласы тұрғынын жеке тексеру барысында 2 скотч жапсырамсына оратылған орама табылды, орамадан 2 пластикалық бөтелкеде (барлығы 1 литр) спирттік иісі бар сұйықтық тәркіленді. Әңгіме барысында Семей қаласы тұрғынының Дәулет есімді (есімі өзгертілген) сотталғанға тыйым салынған заттарды мекеме аумағына өткізгісі келгенін мойындады.

– Сотталғандардың “қамқор” туыстары ескертулер мен түсіндірулерді ескерместен тыйым салынған заттарды мекеме аумағына кіргізуге тырысады. Енді Семей қаласының тұрғыны әкімшілік жазаға тартылады, қазыргі кезде тәркіленген сұйықтық сараптамалық тексеруге жіберілді, – деп атап өтті жедел бөлім қызметкері Әділет Кулатаев.

Semeynews.kz