Семейде 6 мамырдан бастап Ұлттық бірыңғай тестілеу басталды

Семейде 6 мамырдан бастап Ұлттық бірыңғай тестілеу басталды. Кестеге сәйкес ҰБТ күні 83 оқушы тест тапсырады. Тестілеу барлық санитарлық нормаларды сақтай отырып, оффлайн форматында жүргізілуде, деп хабарлайды Semey News "Шығыс ақпарат" ақпараттық орталығына сілтеме жасап.

19.05.2021

– Балалар ҰБТ-ны “U Study” орталығына келіп, компьютер алдында тапсырады. Тестілеуді тапсырғаннан кейін нәтижелер бірден компьютерлерге шығады. Балаларды ұялы телефондардың бар-жоғына тексеріп, сондай – ақ тестілеу тапсыру кезінде олардың әрқайсысына камера бағытталады. Сондықтан көшіріп алу мүмкіндігі мүлде жоқ, – дейді қалалық білім бөлімінің басшысы Наталия Фесенко.
Уақыт бойынша өзгерістер жоқ. 2021 жылғы түлектер ҰБТ-ді 4 сағат ішінде тапсырулары керек.
Бірыңғай тестілеу маусым айының соңына дейін жалғасады.

Semey News.