Семей қаласы № 7 жалпы білім беретін мектеп-лицейінің оқушысы нейрондық желілерді білім беруге кіріктіру жобасын жасап шығарды, – деп хабарлайды Semeynews.kz.
Жобаның мақсаты-білім беру саласына нейрожеліні енгізу.
Нейрондық желілерді білім беру процестерін оңтайландыру, олардың тиімділігін арттыру, оқушылардың жеке қажеттіліктері мен ерекшеліктеріне бейімделу және жалпы білім беру сапасын арттыру үшін пайдалануға болады.
Сондай-ақ нейрондық желілерді білім беру саласына интеграциялау әртүрлі мәселелерді шешуге көмектеседі, мысалы, білім берудің қолжетімділігін арттыру, оқушылардың төмен мотивациясымен күресу, шектеулі ресурстар жағдайында білім беру сапасын жақсарту.
– Нейрондық желілерді енгізу білім беру процесінің барлық қатысушыларына, соның ішінде мүмкіндігі шектеулі балаларға да қол жетімді болады. Бұл зерттеудің нақты тәжірибелік артықшылықтары мол және білім беру сапасын жақсартуға әкелуі мүмкін,-дейді Темірбаев Темірлан.
Темірланның айтуынша, нейрондық желілерді пайдалану тапсырмаларды тексеруге кететін уақытты қысқартады және тура бағалауды жақсартады. Оқу материалын оқушылардың қажеттіліктеріне бейімдеп оқу-оқушылардың қызығушылығын тудыруы мүмкін.
Темірлан “НЕЙРОНДЫҚ ЖЕЛІЛЕРДІ БІЛІМ БЕРУГЕ КІРІКТІРУ” жобасын мамыр айында болатын фестивальға дайындауда.
Жетекшілері: информатика пәні мұғалімдері Жалелова Галия Жалеловна, Сангалиева Гульмира Калелкановна.
Semeynews.kz
