Ұлы Отан соғысындағы Жеңістің 78 жылдығы мен Отан қорғаушылар күніне орай Семей қаласындағы «Бауырластар» зиратына гүл шоқтары қойылып, бейбіт өмір жолында шейіт болған майдангерлердің рухына тағзым жасалды, – деп хабарлайды Semeynews.kz.
Ел үшін жанын қиған ерлерді бір минут үнсіздікпен еске алды.
Шараға «Ауғанстан және жергілікті соғыс ардагерлері мен мүгедектері» қоғамдық ұйымының төрағасы Боранбай Бегатов, Семей қаласының ішкі саясат бөлімінің басшысы Олжас Соғымбай, «Шығыс» өңірлік қолбасшылығының өкілдері, Ауған соғысының ардагерлері қатысты.
Қаншама боздақтар осы бейбіт заман үшін өмірлерін қиды. Жеңіс жолында тұтас ғұмырын майданда құрбан еткен бабалар рухы мәңгі жасай бермек.
Semeynews.kz
