Семей қалалық ПБ баспасөз қызметінің хабарлауынша, шараның мақсаты – жол-көлік оқиғаларының санын азайту, жол қозғалысы ережелерін өрескел бұзудың жолын кесу және анықтау, жүргізушілер мен жаяу жүргіншілердің жол ережесі тәртібін сақтауды арттыру.
Жедел алдын алу іс-шарасының бірінші күнінің қорытындысы бойынша Семей қ. ПБ полиция қызметкерлері облыстағы апаттылық деңгейіне айтарлықтай әсер ететін жол қозғалысы ережелерін бұзудың 293 дерегін анықтады және мас күйінде көлік жүргізгені үшін 3 жүргізуші ұсталды. Көлік құралын басқару кезінде телефондарды пайдаланудың 33 фактісі тіркелді.
Анықталған бұзушылықтардың ішінде 38 факті – жаяу жүргіншілердің жүруіне басымдық бермеу, 81 факті – қауіпсіздік белдіктерін пайдаланбау.
Шара барысында жаяу жүргіншілердің жол қозғалысы ережелерін сақтауына да ерекше көңіл бөлінуде. Жедел алдын алу іс – шарасының бірінші күні 49 жаяу жүргінші жауапкершілікке тартылды.
Семей қ. ПБ жол қозғалысының барлық қатысушыларынан жол қозғалысы ережелерін мүлтіксіз сақтауды сұрайды!
Semey News.
