Ер есімі – ел есінде: Семей облысынан шыққан Кеңес Одағының Батырлары (жалғасы)

          БОЛТАЕВ ГЕОРГИЙ СЕМЕНОВИЧ

1914 жылы 5 сәуірде Қостанай қаласында дүниеге келген.

1936 жылдан бастап Кеңес Армиясы қатарында.

1944 жылы Тамбов әскери-жаяу әскер училищесін бітіріп, майданға жіберілді. 172-ші гвардиялық атқыштар полкінің автоматшылар ротасының командирі (57-ші гвардиялық атқыштар дивизиясы, 8-ші гвардиялық армия, 1-ші Беларусь майданы) гвардия капитаны Г.С.Болтаев Одердің сол жағалауында жаудың қорғанысын бұзып, Гарманияның Зелов қаласын алған кезде ерекшеленді.

1945 жылы 16 сәуірде рота бірінші болып Зеловск биіктігінде жаудың траншеясына бірінші болып кіріп, 2 шабуыл мылтығын, 5 атыс нүктесіне басып кіріп, ондаған сарбаздар мен офицерлерді жойып, 75 мм зеңбіректердің батареясын басып алды.

17 сәуірде жауды қуып, Зелова қаласының орталық көшесін басып алды.

Кеңес Одағының Батыры атағы 1945 жылы 31 мамырда КСРО Жоғарғы Кеңесі Президиумының Жарлығымен берілді.

Ленин, Александр Невский, I және II дәрежелі Отан соғысы, Қызыл Жұлдыз ордендерімен, медальдармен марапатталған.

          БОРОЗЕНЕЦ СТЕПАН НИКОЛАЕВИЧ

1922 жылы 20 тамызда Шығыс Қазақстан облысы Таврия ауданы Таврия ауылында дүниеге келген.

1941 жылдан бастап Кеңес Армиясы қатарында. 1943 жылы Орынбор әскери-авиациялық ұшқыштар мектебін бітірді.

1944 жылдың қаңтарынан бастап майданда. 569 шабуылдаушы әуе полкінің буын командирі (199-шы шабуылдаушы әуе дивизиясы, 4-ші шабуылдаушы әуе корпусы, 4-ші әуе армиясы, 2-ші Беларуссия майданы) лейтенант С.Н.Борозенец теміржол магистральдарын, жау әскерлерінің шоғырларын бомбалауға және шабуылдауға 94 жауынгерлік ұшу жасады.

Жаудың 3 танкісін, ондаған автокөлікті, 6 паровозды жойып, 3 оқ-дәрі қоймасын жарып, 36 зениттік және далалық артиллериялық батареялардың үндерін өшірді.

Кеңес Одағының Батыры атағы 1945 жылы 18 тамызда КСРО Жоғарғы Кеңесі Президиумының Жарлығымен берілді.

Ленин, Қызыл Ту ордендерімен, І дәрежелі Отан соғысының үш орденімен, ІІ дәрежелі Отан соғысы орденімен, екі Қызыл Жұлдыз орденімен, ІІІ дәрежелі «КСРО Қарулы Күштерінде Отанға қызмет еткені үшін» орденімен, медальдармен марапатталған.

         БУДНИК ГАВРИИЛ ДМИТРИЕВИЧ

1924 жылы 16 желтоқсанда Семей облысы Жарма ауданы Георгиевка ауылында (қазіргі Қалбатау) дүниеге келген.

1942 жылдың қыркүйегінен бастап Кеңес Армиясы қатарында. 1943 жылдың наурызынан бастап майданда. 151-ші атқыштар полкінің барлаушысы (8-ші атқыштар дивизиясы, 13-ші армия, орталық майдан) қатардағы Г.Д.Будник Карпиловка ауылы (Киев облысы Чернобыль ауданы Копачи ауылы) маңында 1943 жылы 24 қыркүйекте Припять өзені арқылы өтіп, жаудың қорғаныс атыс жүйесін анықтап, басшылыққа құнды барлау мәліметтерін жеткізді, бұл мәліметтер барлық бөлімшелердің өзенді сәтті жүзіп өтулеріне септігін тигізді.

Кеңес Одағының Батыры атағы 1943 жылы 16 қазанда КСРО Жоғарғы Кеңесі Президиумының Жарлығымен берілді.

Ленин орденімен, І дәрежелі Отан соғысы орденімен, медальдармен марапатталған.

          БУНТОВСКИХ ВАСИЛИЙ ВАСИЛЬЕВИЧ

1921 жылы Шығыс Қазақстан облысы Күршім ауданы Дарстенное ауылында дүниеге келген.

1941 жылдың тамызынан бастап майданда. 33 жеке сапер батальонының взвод командирі (180-ші атқыштар дивизиясы, 38-ші армия, Воронеж майданы) лейтенанты В.В.Бунтовских 1943 жылдың 28 қыркүйегі мен 5 қазаны аралығында Сваромье ауылындағы (Киев облысының Вышгород ауданы) Днепр өзені арқылы өткелде үздіксіз жұмыс істеді. Взвод қайықтар мен қолдан жасалған салдармен жау оғының астында 2 атқыштар батальоны мен 2 артдивизионын өткізді.

Кеңес Одағының Батыры атағы 1944 жылы 10 қаңтарда КСРО Жоғарғы Кеңесі Президиумының Жарлығымен берілді.

Ленин, Қызыл Жұлдыз ордендерімен, медальдармен марапатталған.

1945 жылы 12 ақпанда аға лейтенант В.В.Бунтовских  Будапешт үшін шайқаста қаза тапты, сол жердегі Орталық офицерлер зиратында жерленді.

          БУРЛАЧЕНКО СТЕПАН ФИЛИППОВИЧ

1914 жылы 16 сәуірде Семей облысы Новошульба ауданы Алексеевка ауылында дүниеге келген.

1942 жылдың мамырынан бастап майданда. 47-ші гвардиялық танк бригадасының танк жүргізушісі (9-шы гвардиялық танк корпусы, 2-ші гвардиялық танк армиясы, 1-ші Беларуссия майданы) гвардия кіші сержанты С.Ф.Бурлаченко 1945 жылы 16 қаңтарда майдан жасағының құрамында соғысып, ұрыс кезінде саптан шыққан танк командирін ауыстырды.

Ауданында Жирардув (Польша) жау артиллериясы алға жылжып келе жатқан Кеңес Армиясының бөлімшелеріне оқ жаудырды. Маневр жасап, жаудың тылына кіріп, оқ атқылаумен және шынжыр табанмен 6 зениттік қаруды, 4 минометті, 12 автокөлікті, 20 тіркемені, 70-тен астам гитлершілердің көзедерін жойды. Бастамашыл іс-қимылдары кеіестік жауынгенрлердің қаланы басып алуларына ықпалын тигізді.

Кеңес Одағының Батыры атағы 1945 жылы 27 ақпанда КСРО Жоғарғы Кеңесі Президиумының Жарлығымен берілді.

Ленин орденімен, І дәрежелі 2 Отан соғысы орденімен, Қызыл Жұлдыз орденімен, медальдармен марапатталған.

          БУТОРИН ВИКТОР ВАСИЛЬЕВИЧ

1898 жылы Семей қаласында дүниеге келген.

1943 жылдан бастап майданда, 62-ші гвардиялық кавалериялық полктің қосалқы взводының командирі (16-шы гвардиялық кавалериялық дивизия, 7-ші гвардиялық кавалериялық корпус, 61-ші армия, Орталық майдан). Сталинград майданындағы шайқастарға да қатысты.

Гвардия аға сержанты В.В.Буторин Днепр шайқасында, 1943 жылы 21 қыркүйекте Перше Травня ауылы (Чернигов облысының Гроднян ауданы) үшін шайқаста ерекшеленді. Екі рет жараланып, елді мекен толығымен пазат етілгенше ұрыс алаңынан шықпады.

Кеңес Одағының Батыры атағы 1944 жылы 15 қаңтарда КСРО Жоғарғы Кеңесі Президиумының Жарлығымен берілді.

Ленин, Қызыл Ту ордендерімен, медальдармен марапатталған.

           ВАРЕПА ИВАН ИОСИФОВИЧ

1910 жылы 1 мамырда Семей облысы Шар ауданы Перятинское ауылында дүниеге келген.

1941 жылдың шілдесінен бастап Кеңес Армиясы қатарында. 1943 жылдың тамызынан бастап шайқаста. Кіші лейтенанттар курсын бітірген.

1943 жылғы 27 қыркүйекте Неданчичи ауылы маңында (Чернигов облысының Репкин ауданы)  Днепрден өту кезінде 218-ші гвардиялық атқыштар полкінің (77-ші гвардиялық атқыштар дивизиясы, 61-ші армия, Орталық майдан) пулемет есебінің командирі гвардия кіші сержанты И.И.Варепа жау оғының астында алғашқылардың бірі болып оң жағалауға өтті. Жаудың 4 қарсы шабуылына тойтпарыс беріп, И.И.Варепаның пулемет есебі полк бөлімшелерінің өтулерін жанқиярлықпен қорғады.

Кеңес Одағының Батыры атағы 1944 жылы 15 қаңтарда КСРО Жоғарғы Кеңесі Президиумының Жарлығымен берілді.

Соғыс барысында Орталық, Сталинград, Украина, 2-ші Беларусь майдандарының құрамында шайқастарға қатысты. Германия астанасы Берлинде өзінің жауынгерлік жолын аяқтады.

Ленин, Александр Невский ордендерімен, медальдармен марапатталған.

ЖАЛҒАСЫ БАР…

Semeynews.kz