Дмитрий Литвиненконың әскери жолы

Дмитрий Литвиненко – әскери байланысшы (97 жаста). Ол 1926 жылы Семей облысының Бородулиха ауданында дүниеге келген. Майданға шақырылғанға дейін жергілікті ет комбинатында жұмыс істеді. Дмитрий Лазаревич 16 жасында сарбаздар қатарына қосылды, 1943 жылы қазанда ол Семейдегі 125-ші запастағы атқыштар полкіндегі  қысқа мерзімді әскери дайындықтан және ант қабылдағаннан кейін оны Ташкенттегі радиотелеграфтар курсына жібергенін еске алады. Оқудан кейін Дмитрий Литвиненко Үшінші Беларусь майданына аттанды. Кеңес армиясының құрамында ол Шығыс Пруссияның астанасы — Кенигсберг бекінісіне шабуылға, сондай-ақ Батыс Еуропа, Украина және Польшаны гитлерлік басқыншыларынан тазартуға қатысты.

«Соғыстың соңында мен нағыз қырғынның ортасына түстім. Фашистер қатты қарсылық көрсетті. Мен оқ пен оттың ортасында байланысшы болдым – бұл жауапты жұмыс болды. Иә, ұрыс кезінде штабпен байланысын жоғалту өте маңызды мәселе. Мен үйге 1951 жылдың мамырында ғана оралдым. Бейбіт өмірде мен байланысшы болып қалуды шештім. Содан кейін теміржолға түстім. Мен майдан даласында алған кәсіби дағдыларымды зейнеткерлікке шыққанға дейін бейбіт өмірде қолдандым», – дейді қарт майдангер өзінің өмір жолы туралы.

Дмитрий Литвиненко «Жамбыл Жабаев» кемесінде радио жүргізушісі болып жұмыс істеді. Ташкент темір жол инженерлік институтын бітіргеннен кейін Семей темір жол бөлімшесінде механик, аға инженер болып жұмыс істеді.

«Бүгінгі ұрпақ бақытты. Бейбіт күннің құндылығын от пен оқтың ортасында жүргендер ғана түсінеді. Қазақстан тәуелсіздік алған жылдарымен бейбітшілікті сақтау саясатын ұстанады. Бұл көптеген мемлекеттер үшін үлгі. Әрқашан бейбітшілік пен ынтымақтастық болсын. Бірлік пен тыныштықтан артық байлық жоқ», – деп бөлісті ардагер Дмитрий Литвиненко.

Semeynews.kz