Семейде ҰОС және Еңбек ардагері П.М.Коломинге ескерткіш тақта орнатылды
2023 жылғы 29 сәуірде Ұлы Отан соғысы және Еңбек ардагері, қоғам қайраткері Петр Михайлович Коломин 2010-2020 жылдар аралығында тұрған Энергетик ықшам ауданы, 7-үйінің қабырғасына орнатылған ескерткіш тақтаның салтанатты ашылуы өтті, – деп хабарлайды Semeynews.kz.
Аталған шараға Петр Михайлович Коломиннің туыстары, депутаттар корпусының, ардагерлер кеңесінің өкілдері, әскери қызметкерлер, қоғам қайраткерлері, қалалық мәденет және тілдерді дамыту бөлімінің қызметкерлері қатысты.
Шара барысында Абай облысы мәслихатының депутаты Талғат Болатұлы Баймұринов, Абай облысы Семей қаласының мәдениет және тілдерді дамыту бөлімінің басшысы Маржан Аманбердіқызы Бахатова, Абай облысы ардагерлер кеңесі төрағасының мүшесі Александр Владимирович Коновалов, Петр Михайлович Коломиннің қызы Ольга Петровна Коломина және Петр Михайлович Коломин тұрған үйдің тұрғыны Татьяна Николаевна Сунбодюн сөз сөйлеп, Петр Михайлович Коломиннің еңбек жолындағы ерліктерінен естеліктер айтты.
Semeynews.kz
