Биылғы жылы Абай облысында 4518 түлек мектеп бітіреді

Абай облысы білім басқармасының мектепке дейінгі, жалпы орта білім беру бөлімінің басшысы Мәкия Әмірханова мектеп түлектерінің қорытынды аттестацияға және ҰБТ-ға дайындығы туралы брифинг өткізді, – деп хабарлайды Semeynews.kz.

Жалпы білім беретін мектептерде оқу 31 мамырда аяқталады. 9 сыныптың қорытынды емтихандары 2 -13 маусым аралығында, 11 сыныптарға мемлекеттік емтихандар 5-19 маусым аралығында өтеді.

9-сынып оқушылары 4 емтихан тапсырады:
оқу тілі бойынша эссе (қазақ/орыс),
математика,
қазақ тілі мен әдебиеті немесе орыс тілі мен әдебиеті, таңдау пәні (физика, химия, биология, география, Қазақстан тарихы, геометрия, дүние жүзі тарихы, әдебиет, ағылшын тілі, информатика.

11-сынып оқушылары 5 емтихан тапсырады:
оқу тілі (қазақ/орыс), алгебра және анализ бастамалары, қазақстан тарихы, қазақ тілі мен әдебиеті немесе орыс тілі мен әдебиеті;
таңдау пәні (физика, химия, биология, география, геометрия, дүние жүзі тарихы, құқық негіздері, әдебиет, ағылшын тілі, информатика).

Жалпы орта білім туралы аттестаттарды тапсыру 20-22 маусымы аралығында өтеді.

• Абай облысы бойынша 179 түлек «Алтын белгі» үміткер, оның ішінде қазақ тілінде – 152, орыс тілінде оқитындар – 27. Емтихан тапсырмаларын, эсселерді, алгебра және анализ бастамалары бойынша тапсырмаларды облыстық білім басқармасының комиссиясы тексереді. «Алтын белгі» төсбелгісіне үміткерлер үшін НЗМ мектебінде «Негізгі алгебра және талдау» пәні бойынша қорытынды аттестациядан өту нормасы жойылды. Енді барлық үміткерлер қорытынды аттестацияны мектепте тапсырады, – деді Мәкия Әмірханова.

Аттестаттаудан босатылған жалпы білім беретін пәндер бойынша соңғы үш жылда халықаралық олимпиадалардың жеңімпаздары «Алтын белгі» аттестатына үміткерлерге жалпы орта білім туралы «Алтын белгі» аттестат беріледі.

• Абай облысында 4518 түлек мектеп бітіреді. Оның ішінде 3718 түлек (82%) ҰБТ тапсырса, оның 2765-і қазақ тілінде, 953-і орыс тілінде. Өтініштер 28 сәуір мен 14 мамыр аралығында қабылданады. Мемлекеттік грант бойынша негізгі ҰБТ 16 мамыр мен 5 шілде аралығында өтеді. Егер түлек 16 жасқа толмаған болса, онда мектеп ҰБТ тапсыру үшін анықтама береді, – деді Мақия Әмірханова.

Түлектер қаңтар, наурыз айларындағы ҰБТ-ны ақылы негізде тапсырды.

Semeynews.kz