Көкпекті ауданынан Семейге құжатсыз балық тасымалдаған тұрғын ұсталды

Көкпекті ауданынан Семей қаласына 100 келіден астам балықты құжатсыз тасымалдаған облыс тұрғыны ұсталды, – деп хабарлайды Semeynews.kz.

Абай облысы ПД баспасөз қызметінің хабарлауынша, 27 сәуір күні “Құқық тәртібі” жедел алдын алу іс- шарасын өткізу барысында полиция қызметкерлері “Алматы – Өскемен” тасжолының 912 шақырымында Абай облысының 33 жастағы тұрғынының басқаруындағы “TOYOTA” автакөлігін тоқтатады.

Тексеру барысында көлік жүксалғышынан арнайы рұқсат ету құжаттары жоқ 2 мөшек пен 7 полиэтилен пакетке салынған 100 келіден астам әртүрлі мұздатылған балық табылған.

Қазіргі уақытта жиналған материал Абай облысы бойынша Табиғи ресурстар және табиғат пайдалануды реттеу басқармасына жолданды.

Semeynews.kz