16 мамырда Алтай ауданында күнделікті мониторингпен «жылу картасына» кіретін кіші және орта бизнес нысандары, сондай-ақ қоғамдық көліктер қамтылды. Қалааралық көлік жолаушыларына термометрия жүргізілді, дене қызуы бар жолаушылар анықталған жоқ. Аудан бойынша барлығы 138 сауда нысандары тексерілді, Жаңа Бұқтырма ауылында 1 бұзушылық анықталды. Мамыр айының басынан бастап 2 197 нысанға мониторинг жүргізілді, 24 бұзушылық анықталды.
Үржар ауданында рейд шарасы барысында 1 бұзушылық анықталды.
Шемонаиха ауданы бойынша 70 нысанға тексеру жүргізілді. Глубокое ауданында 18 рейдтік шара өтіп, 105 нысан қамтылды. Бұзушылықтар анықталған жоқ.
Сондай-ақ, санитарлық талаптарды сақтау бойынша рейдтер Риддер, Курчатов қалаларында және Абай, Аягөз, Зайсан, Күршім және Ұлан аудандарында да жүргізілді. Бұзушылықтар анықталған жоқ.
Semey News.
