Абай облысы мен Қытайдың екіжақты ынтымақтастық мәселелері талқыланды

Кездесуде тараптар өзара тауар айналымы бөлігінде Абай облысы мен Қытай мемлекетіне тиімді екіжақты ынтымақтастығын талқылады, – деп хабарлайды Semeynews.kz.

• Абай облысында өзара тиімді ынтымақтастыққа және бірлескен кооперациялық жобаларға дайын өнеркәсіптік кәсіпорындардың белгілі бір шоғырлануы бар. Мысалы, “Qazaq Astyq Group” ЖШС-де шыны және сыра өндірісін жаңғырту, “Семей машина жасау зауыты” АҚ-да инженерлік техниканы дайындау және күрделі жөндеу, жұмыртқа өндіру бойынша “SEMEI QUS” ЖШС-нің қуатын арттыру сияқты бірқатар өнеркәсіп кәсіпорындары өндірісті кеңейту мақсатында сіздердің инвесторларыңыздың ұсыныстарын қарауға дайын. Өз тарапымыздан мұндай жобаларға барынша қолдау көрсетеміз, – деп атап өтті Нұрлан Ұранхаев.

Бұдан басқа, қытайлық инвесторлардың назарына 55 гектарға бос алаңы және 155 гектарға кеңейту әлеуеті бар “Өндіріс” индустриялық аймағы ұсынылады.

• Келесі жылы ұзындығы 1,7 км теміржол және индустриалды аймақтың резиденттері үшін қоймасы бар тұйық жол салу жоспарлануда. Агроөнеркәсіп кешенінде инвестициялық жобаларды іске асыру үшін біздің облыс бірегей табиғи-климаттық жағдайларға ие және ауыл шаруашылығы мақсатындағы 9 млн гектар алқапқа ие, – деп толықтырды облыс басшысы.

Сонымен қатар, Цзян Вэй жасанды интеллект, жасыл энергетика, логистика, инфрақұрылым және т. б. салаларда ынтымақтасуға дайын екенін атап өтті.

Облыс әкімі “Алел” қаржы-инвестициялық корпорациясы” АҚ басшылығымен кездесті.

Нұрлан Ұранхаев корпорация басшысы Евгений Галиуллинді қабылдап, ынтымақтастық перспективаларын талқылады.

Semeynews.kz