Семей қаласы кәсіпкерлерінің назарына

«Кәсіпкерлікті дамытудың 2021–2025 жылдарға арналған ұлттық жобасы» мемлекеттік бағдарламасы шеңберінде сыйақының пайыздық  мөлшерлемесін  субсидиялау, кредиттер бойынша  кепілдік беру қағидаларына  өзгерістер  енгізілді:

Ұлттық жоба бағдарламасының индустрия-инновациялық саладағы кәсіпкерлерді қолдау бағыты бойынша сыйақының пайыздық мөлшерлемесін субсидиялау экономиканың басым секторы бойынша жүзеге асырылады. Ал егер бизнесіңізді моно және шағын қалаларда, ауылдық жерде дөңгелетіп отырсаңыз  – салаға шектеу жоқ.

• Қолыңызға тиетін ақшаның максимал сомасы 3 млрд теңге; Айналым қаражатын толықтыруға 500 млн теңгеге дейін рұқсат бар.

• Моно және шағын қалаларда, ауылдық жерлерде несие сомасы 1,5 млрд теңгеге дейін жетуі мүмкін. Ал егер ол кәсіпкердің қызметі экономиканын басымдық берілген секторларында болса 3 млрд теңгеге дейін беріледі.

• Моно және шағын қалаларда, ауылдық жерлерде саудамен айналысатын кәсіпкерлерге несие 100 млн теңгеге дейін беріледі.

Банктің беретін несие мөлшерлемесі ҚР базалык мөлшерлемесінен +5%-ға артык болады. «Даму» Қоры соның 13,75%-ын субсидиялайды.

Моно және шағын қалаларда, ауылдық жерлердегі кәсіпкерлердің несиесінің 14,75- ын субсидияланады.

Кәсібін жаңа бастаған кәсіпкелер үшін шарттар: кредит (тер) сомасы 360 (үш жүз алпыс) млн. теңгеден аспауы тиіс, кепілдік мөлшері кредит сомасының 85% – нан аспауы тиіс)

Кәсіпкер үшін кепілдік беру шарттары: кепілдік беру жүзеге асырылатын кредит сомасы 1 (бір) млрд.теңгеден аспауға тиіс.

Кепілдік мерзімі-кредит мерзімінен аспауы тиіс.

Кепілдік  мөлшері несие сомасының 85 % теңгеге дейін беріледі.

Бағдарламаға енген өзгерістер жайлы толық ақпарат Абай облысы бойынша «Даму» кәсіпкерлікті дамыту қоры АҚ-нан алуға болады. Мекенжайы: Абай облысы, Семей қаласы, К. Мухамедханова, 23а, 101 кабинет. Байланыс телефон: 8 (7222) 60-00-50.