Семейде жүк көлігінің жүргізушісіне қоқыс төккені үшін хаттама толтырылды

Семей қаласы әкімінің Қаулысына сәйкес полиция қызметкерлері өз міндеттерін атқаруда, – деп хабарлайды Semeynews.kz.

Семей полицейлері тыйым салынған жерге қоқыс тастаудың тағы бір фактісін анықтады.
Ағымдағы жылдың 6 сәуірі күні сағат 15:19 кезінде «Shacman» жүк көлігінің 51 жастағы жүргізуші қала сыртындағы жолдардың бірінде аумақты абаттандыру ережелерін бұзуға жол берді, атап айтқанда тұрмыстық қоқыстарды Семей-Озерки тас жолының бойына тастаған, осылайша ҚР ӘҚБтК 505 бабы (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) бойынша әкімшілік құқық бұзушылық жасаған.

Нәтижесінде, 51 жастағы жүк көлігінің жүргізушісіне қатысты әкімшілік хаттама толтырылып, 20 айлық есептік көрсеткіш мөлшерінде 69 000 теңге айыппұл салынды.

Semeynews.kz