Семейде Абай Құнанбаев тоқтаған тағы бір үй бар

Семейде Ұлы ойшыл Абай Құнанбаев түнеген тағы бір үй бар дейді-мыс.

Семейлік өлкетанушы Шафкат Файзуллиннің айтуынша, Абай губернатордың үйіне барған кезде қабылдау бөлмесінде тегі – Жиналиев деп белгілі болған алтайлық қазақпен танысқан. Ол аудармашы болған және орыс тілін өте жетік меңгерген. Әңгімелесу барысында ақын оның  Ертіс жағасындағы үйінде тоқтауға шешім қабылдаған.

“Мен татарлар туралы материалдар жинағанымда, Жиналиевтің немересі Абай туралы айтып берді. Қаланың татар бөлігінде оның атасы тұрған. Бір күні әжесіне Абайдың суретін көрсеткенде, ол оған бұл Ибраһим екенін және ол олардың үйінде түнегенін айтты. Мен егжей-тегжейлер мен мәліметтерді білмеймін. Жиналиевтің немересі қайтыс болды“, – дейді өлкетанушы.

Ойшыл түнеген үй Шәйжүнүсов көшесінде әлі күнге дейін сақталған. Бұл бір қабатты бөрене құрылымы. Ш.Файзуллиннің айтуынша, аудармашының сол кезеңде мал саудасымен айналысқан  Ғани есімді ұлы болған.

Айтып өтейік, Абай музейі бұл фактіні жоққа шығара немесе растай алмайды, өйткені Ұлы ойшыл Семей қаласына жиі келіп тұрған.

Абай негізінен Бекбай Баисов пен Анияр Молдабаевтың үйіне тоқтаған. Бүгінгі күнге дейін тек А.Молдабаевтың үйі ғана сақталған. Қазір бұл жерде “Алаш Арысы – Мұхтар Әуезов” музейі орналасқан.

Руслан Шақабаев