Абай облысыБілімҒылымҚоғамСемейТОП

Абай облысының төрт оқушысы Халықаралық конкурста жүлделі орынды иеленді

Ө.Жолдасбеков атындағы математика және механика бойынша зерттеу жобаларының ХІІІ Халықаралық конкурсы өтті, – деп хабарлайды Semeynews.kz.

Халықаралық конкурс 4 сала бойынша жұмыс жасады:

1. «Математика» – 42 оқушы;
2. «Қолданбалы математика» – 28 оқушы;
3. «Механика» – 51 оқушы;
4. «Экономикадағы математикалық әдістер» – 29 оқушы.

Жеңімпаздар мен жүлдегерлер Қазақстан Республикасы Оқу-ағарту министрлігінің I, II, III дәрежелі дипломдарымен және алтын, күміс, қола медальдарымен марапатталды.

Абай облысынан 6 оқушы қатысып, оның ішінде 4 оқушы жүлделі орынға ие болды:

Токенов Нурадиль, Семей қаласы, № 3 ЖОББМ – ІІ орын, «Қолтанбалы математика» секциясы;
Нұрғалиев Арыстан, ФМБ НЗМ – ІІ орын, «Қолтанбалы математика» секциясы;
Курбанова Ильнара, Семей қаласы, № 35 ЖОББМ – ІІ орын, «Математика» секциясы;
Жайдахметова Әсем, Аягөз ауданы, «Қалалық көпбейінді қазақ мектеп-гимназиясы» – ІІІ орын, «Механика» секциясы;
Байбосынова Мөлдір, Аягөз ауданы, № 5 ЖОББМ – грамота, «Математика» секциясы;
Сәтбекова Ақерке, Семей қаласы «Ыбырай Алтынсарин атындағы №37 гимназиясы» – сертификат, «Экономикадағы математикалық әдістер» секциясы.

Сондай-ақ 2023 жылғы 1-3 наурызында Алматы қаласында «Ең үздік жыл психологы» республикалық байқауы өтті. Абай облысынан 4 педагог-психолог қатысып, оның ішінде 2-уі жүлделі орынға ие болды.

3 жылдан 5 жылға дейінгі санатта ІІ-орынды Ақсуат ауданы, «Сасан би атындағы орта мектеп» КММ педагог-психологы Аскергалиева Жанерке Қайратқызы  иеленді.

7 және одан да көп жыл санатында ІІІ-орынды Үржар ауданы «Б.Майлин атындағы орта мектеп-бақша» КММ педагог-психологы Сапарбаева Айгүл Балгарияқызы иеленді.

Байқауда педагог-психологтар өздерінің авторлық бағдарламаларын қорғады, онда тапсырмалар мен жаттығулар кешенін таңдаудың өзектілігі, ғылыми негізділігі ескерілді.

Оқушылар мен педагог-психологтарымызды жеңістерімен құттықтаймыз!

Semeynews.kz

Осы айдарда

Back to top button