Семейде еріктілер форумы өтті

Абай облысында “Заманауи қоғамдағы еріктілер қозғалысы”еріктілер форумы өтті, – деп хабарлайды Semeynews.kz.

Абай облысының түкпір-түкпірінен 200-ден астам жастар еріктілердің өзекті мәселелерін талқылау, сондай-ақ тәжірибе алмасу үшін балалар мен жастардың шығармашылық сарайына жиналды. Жастар алдында өтеусіз көмектің халықаралық тәжірибесімен бөліскен шетелдік педагогтар сөз сөйледі.

Байсейітов атындағы қаржы-экономикалық колледжінің директоры форумның басты міндеті – ТжКБ арасында облыстың барлық еріктілерін біріктіру екенін атап өтті.

• Форум шығармашылық мониторингті көздейді-бүгінгі таңда еріктілердің қызметі қалай құрылуда, балалар қай бағытта. Бүгін еріктілердің табысты тәжірибелерінің шығармашылық панорамасы болады, онда балалар өз тәжірибелерімен бөліседі. Басты міндет-еріктілер қозғалысын біріктіру, болашақта бұл үлкен жоба болмақ. Оның аясында еріктілер көшбасшылары оқытылады. Форумға 200-ден астам студент жиналып, қонақтар мен спикерлер шақырылды. Менің ойымша, бұл жақсы диалог алаңы. Шетелдік оқытушылар халықаралық деңгейдегі еріктілер қозғалысы туралы әңгімелейді, – деді Лариса Әбілқасымова.

Радиотехника және байланыс колледжінің студенті, ерікті Отабек Әбіжанов атап өткендей, колледжде еріктілер қозғалысы бастапқыда қызығушылық клубынан басталған.

• Біздің колледж республикалық волонтерлік конкурстарда бірінші орын алады. Біздің еріктілер қозғалысы бірнеше түрге бөлінеді: нашақорлық пен темекі шегудің алдын алу, АИТВ мен ЖИТС-тің алдын алу, туған қалаға көмек, ардагерлер мен мүгедектерге көмек. Біздің волонтерлік қозғалысымыздың тарихы 2010 жылы басталды – алдымен бұл студенттердің шағын ғана тобы болды, енді бұл ондаған жастарды қамтитын үлкен ұйым, – деді Отабек Әбіжанов.

Semeynews.kz