Абай облысында заңсыз ішімдік тәркіленді

Абай облысының полицейлері заңсыз ішімдік тәркіледі, – деп хабарлайды Semeynews.kz.

Абай облысы ПД баспасөз қызметінің хабарлауынша, Семей – Өскемен тас жолында көлік құралын тексеру кезінде, жалпы көлемі шамамен 50 литр 100 – ге жуық заңсыз арақ, сондай – ақ акциздік маркалары жоқ 21 блок темекі тәркіленді.

Таңбаланбаған алкогольдің құны шамамен 250 мың теңгені құрайды.

Қаскөй басқа аймақтағы белгісіз адамнан заңсыз алкоголь сатып алған. Содан кейін ол тауарды үйіне жеткізіп, таныстары арқылы өткізбек болған.

Аталған материал “Бейресми кәсіпкерге” қатысты іс жүргізу шешімін қабылдау үшін салық органына жіберілді.

Semeynews.kz