Абай облысында әйелдер колониясында қызметкерлер үшін форма тігілуде
Абай облысының әйелдер колониясының №23 мекеме “Еңбек-Семей” РМК тігін цехында 50 сотталған әйел жұмысқа орналастырылды, олар қазір бекітілген үлгіге сәйкес ҚР ІІМ қызметкерлерінің нысанды киім-кешектерін тігуге тапсырысты орындауда, – деп хабарлайды Semeynews.kz.
Сотталғандарды түзетудің көптеген критерийлерінің бірі олардың тәрбие үдерісіндегі оң динамикасының көрсеткіші еңбек болып табылады.
“Сотталған әйелдерді жұмыспен қамтудың кем дегенде 75%-на қол жеткізу, оларға белгілі бір кәсіби дағдыларды үйрету, талап-арыздарды өтеуге және туыстарына материалдық көмек көрсетуге мүмкіндік беру, нәтижесінде оларды түзетуге, қайта тәрбиелеуге және одан әрі әлеуметтендіруге көмектесу қылмыстық-атқару жүйесінің міндеттерінің бірі болып табылады. Мұның бәрі сотталғандарды босатылғаннан кейін әлеуметтік бейімдеу мәселесіне дұрыс көзқарасты қалыптастырады”, – деп түсіндірді әділет майоры Балтабаева Гүлназ Мұқатайқызы.
Әйелдер колониясында 200-ге жуық сотталған әйел жазасын өтейді, олардың 50 пайызы мекеменің жұмыс орындарына орналастырылған. Колонияда тігін цехынан басқа, нан-тоқаш өнімдері мен жартылай фабрикаттарды өндіру бойынша жеке кәсіпкерлер өз жұмыстарын табысты жүргізуде.
“Тігін цехында біздің жұмысымызға тапсырыстардың болуы маған сот талабын өтеуге, балаларыма көмектесуге мүмкіндік береді. Біз өз жұмысымызға барлық жауапкершілікпен қараймыз, бірақ бәрі бірден нәтиже бермейді. Мен өзім тігуді тек осында үйрендім, кішкен жұмыстарды қол ұстасы болудан бастадым ,мысалы, түймелерді тігуді. Ал тәжірибе мен дағдылар ниетің болса уақыт өте келе келеді. Қазір, тігін цехында бес жылдан астам уақыт жұмыс істегеннен кейін, мен кез-келген тапсырысты шебер қабылдаймын. Мен өз жұмысымды бостандықта жалғастырамын деп сенімді түрде айта аламын”, – деді сотталған Ирина өз жұмысы туралы.
Сотталғандарды жұмысқа орналастыру және бас бостандығынан айыру орындарында жұмыс орындарын құру міндеті тұтастай алғанда мемлекет үшін басым болып табылады.
Сотталған әйелдерді еңбекпен қамту бағдарламасын іске асыру Қазақстан халқын еңбекпен қамту жөніндегі мемлекеттік бағдарламаларға сәйкес орындалады.
