Ереуілден кейін “Семавтопарк” жүргізушілерінің жалақысы көтерілді

Таңертең ереуіл ұйымдастырған және желіге шығудан бас тартқан “Семавтопарк” ЖШС жүргізушілерінің жалақысы көтерілді. Автопарк Абай облысының өңірлік коммуникациялар қызметінде өткен брифингте қызметкерлермен келісімге келе алғаны туралы кәсіпорын басшысы Григорий Пинчук айтты, – деп хабарлайды Semeynews.kz.

“Жалақыны көтеру мәселесі шешілді. Таңертеңгі сағат 10-ға дейін екі тараптың міндеттемелері жазылған олардың еңбек шарттарына қосымша келісім дайын болды. Жалақының 40% – ға өскені көрсетілді. Таңғы сағат 8-де автобустар желіге шыға бастады. Таңертеңгі сағат 9-да желіде 115 қоғамдық көлік болды. Бүгін таңертең автобустардың шығуына кедергі келтірген қызметкерлер кәсіпорынға ғана емес, бүкіл қалаға зиян келтірді. Адамдар жұмысқа, мектепке, колледждерге кешігіп барды. Қайшы әрекет жасағандар қатысты заңға сәйкес шаралар қабылданады”, – дейді Григорий Пинчук.

Қазіргі уақытта қалада  40 әлеуметтік маңызы бар бағытқа  қызмет көрсететін үш автопарк бар – “Авто Транс Семей” ЖШС, “Таксомоторлық паркі” және “Семавтопарк”. Кәсіпорындар өкілдерінің айтуынша, D санатындағы жүргізушілердің тапшылығы байқалады. Электронды билеттеуге келетін болсақ, ол 1 қаңтардан бастап қаланың барлық әлеуметтік маңызды бағыттарында енгізілді.

Естеріңізге сала кетейік, бүгін таңертең “Семейавтопаркі” ЖШС желіге шығудан бас тартып, ереуіл ұйымдастырды. Автопарк қызметкерлері жалақыларын 40% – ға көтеруді талап етті және олар бүгін тиісті келісімшартты ұсынуды сұрады, өйткені олар басшылықтың уәделеріне сенбейді. Олардың айтуынша, автопарк директоры Григорий Пинчук қаңтар айында жалақыны көтеруге уәде берген, алайда берген уәдесі тек сөз жүзінде ғана қалған. Сондықтан жүргізушілер қол қойылған жалақыны көтеру туралы шарт түріндегі ресми кепілдіктерді талап етті.

Semeynews.kz