Абай облысын дамытудың Кешенді жоспарын іске асыру өңір экономикасының өсу қарқынын жеделдетуді қамтамасыз етеді. Бұл туралы облыс әкімі Абай Нұрлан Уранхаев өңірдің БАҚ өкілдерімен кездесуінде айтып берді, – деп хабарлайды Semeynews.kz
Облысты дамытудың Кешенді жоспарында барлығы 9 бағыт бойынша 102 іс-шара қарастырылған.
Өнеркәсіпті дамыту бойынша-8 іс-шара, оның ішінде тау-кен байыту комбинатының құрылысы және “Айдарлы” мыс кен орнын өнеркәсіптік игеру.
АӨК саласында 13 жоба іске асырылатын болады: Семейде ет өңдеу комбинатын, суару жүйелерін, Бесқарағай және Жарма аудандарында сүт-тауар фермаларын салу.
Туризмді дамыту бөлігінде 2 сауда-ойын-сауық орталығы мен қонақ үй кешенін, Алакөл көлінің жағалауында демалыс базасын салу жоспарланған.
Біздің облыстың транзиттік-көліктік инфрақұрылымы да дамитын болады: КПР-ға 9 іс-шара енгізілді. Бұл “Аягөз-бақты-Қытай шекарасы” учаскесінде теміржол салу, логистикалық парк құру, Ертіс өзені арқылы өтетін автогуж көпірін, Семей қаласындағы аспалы көпірді қайта жаңарту.
- Президент қалада заманауи ЖЭО салу мүмкіндігін қарастыруды тапсырды. Сонымен қатар, барлық инженерлік желілерді – су құбыры, жылу және электр желілерін, кәріз – тазарту құрылыстарын жөндеу және жақсарту жоспары бар. Бұдан басқа, логистикаға көп көңіл бөлінетін болады – “құрғақ” порт салу, 2 мың шақырым жолды жөндеу жоспарлануда. Бірақ үлкен жұмыс күтіп тұрғанын түсіну керек – жобалау-сметалық құжаттаманы дайындау. Басынан бастап іске асыруға дейін уақыт қажет, – деп атап өтті Нұрлан Ұранхаев.
Образования️білім беру саласында авариялық, саманнан және тозығы жеткен мектептерді жою үшін 510 орындық 6 шағын жинақты мектеп салу жоспарлануда (Үржар ауданында – 2, Жарма ауданында – 2, Ақсуат ауданында – 1, Бесқарағай ауданында – 1).
Денсаулық сақтау саласында 2028 жылға дейін 7 медициналық нысанның құрылысы көзделген.
Мәдениет және спорт саласында 8 мәдениет нысаны, 1 жүзу бассейні және 5 спорт модулінің құрылысы жоспарланған.
- Өздеріңіз білетіндей, жақында Семейде Мемлекет басшысының тапсырмасы бойынша 150 орындық заманауи оңалту орталығы ашылды. Жақын арада облыста тағы екі орталық ашылады, – деп тоқталды Нұрлан Ұранхаев.
Өңірдегі экологиялық жағдайды жақсарту үшін ҚТҚ полигонын салу және жаңғырту жоспарлануда.
Semeynews.kz
