Семейде “Семей қаласының құрметті азаматы” атағы берілді

Қала әкімі Нұрбол Нұрсағатов семейліктерді жаңа жыл мейрамымен құттықтап, Семей қаласына еңбегі сіңген бірнеше адамға Құрмет грамоталарымен және «Семей қаласының Құрметті азаматы» атағын табыстады, – деп хабарлайды Semeynews.kz.

«Бүгін өздеріңізбен 2022 жылғы 20 желтоқсанындағы Семей қаласы мәслихатының «Семей қаласының құрметті азаматы» атағын беру туралы шешіміне сәйкес, қаламыздың өркендеуі жолында өлшеусіз үлес қосып, көп жылғы жемісті еңбегін Семей қаласының дамуына сарп еткен жандарды құттықтауға жиналып отырмыз. Бұл- мәртебелі марапат»,- деді қала әкімі.

Қала басшысы Нұрбол Нұрсағатов қаланың дамуына еңбегі сіңген және түрлі салада көш бастап, белсенділік көрсетіп жүрген З.Тоқаев, Р.Абузияров, М.Алин, М.Сұлтанбеков, Н.Рыболовлеваларға «Семей қаласының Құрметті азаматы» төсбелгілерін табыс етті.

Сонымен қатар, марапатқа ие болған тұлғалар, өздерінің ақжарма тілектерін де жеткізді.

Semeynews.kz