Семейде ең үздік жаңа жылдық безендіру конкурсының қорытындысы жарияланды

Семей әкімі ғимараттар мен оларға іргелес аумақтардың қасбеттерін үздік жаңа жылдық безендіру байқауының жеңімпаздарын марапаттады. Нұрбол Нұрсағатов Үздік мерекелік безендірумен нысандарды аралап, жарыс көшбасшыларын грамоталармен және ақшалай сыйлықтармен марапаттады, – деп хабарлайды Semeynews.kz.

Бұған дейін қалалық конкурсқа қатысуға 35 үміткер өтінім бергенін хабарлаған болатынбыз.

Комиссия құрамына мәслихат депутаттары Н.Перцева мен Е.Тұрсын, тарихи-өлкетану музейінің ғылыми қызметкері А.Мақсұтбек, қалалық мәдениет сарайының әдіскері Б.Тілепбергенов, комиссияның төрағасы мүсінші, Семей қаласы бойынша Қазақстан Суретшілер Одағының мүшесі Н.Қалиев кірді.

Конкурстық жұмыстарды бағалау нәтижелері бойынша келесі конкурсанттар конкурс жеңімпаздары болып танылды:
“Кәсіпорынның, іргелес аумақтарды ұйымдастырудың қасбетін үздік жаңа жылдық безендіру” – “Абай облысы Семей қаласының Арнаулы әлеуметтік қызметтер көрсету орталығы” КММ;

“Тұтыну нарығы объектілерінің қасбеттері мен іргелес аумағын (сауда үйлері, базарлар, супермаркеттер) Үздік жаңа жылдық безендіру ” – “А.Б.Усманов” ЖК;

“Аула аумағын үздік жаңа жылдық безендіру көппәтерлі үйлер” – “Шәкәрім, 38″ПИК.

Semeynews.kz