Ұлттық экономика министрі Абай облысының аудандарында болды

Атап айтқанда, Ұлттық экономика министрі Әлібек Қуантыров Приречное кентінің тұрғындарымен кездесіп, оларды қызықтырған сұрақтарға жауап берді. Олар негізінен әлеуметтік-мәдени нысандардың инфрақұрылымы мен мазмұнына қатысты болды, – деп хабарлайды Semeynews.kz.

“Облыс басшылығы бізбен тікелей байланыста, барлық проблемалық мәселелерді мемлекет басшысының тапсырмасы бойынша бірден пысықтап жатырмыз. Мысалы, Айдын Кәрімов (облыс әкімінің бірінші орынбасары) менімен, менің орынбасарларыммен үнемі байланыста. Бұл байланыс жақсы жолға қойылған”, – деп атап өтті Әлібек Қуантыров.
Ауыл тұрғындары әлеуметтік нысандарды, демалыс орындарын, балалар алаңдарын, жолдарды және т. б. салуға байланысты мәселелерді көтерді

Министр атап өткендей, бұл мәселе “Дипломмен ауылға”жобасы аясында шешілуде.

“Биыл облыста 160-қа жуық жас маман мемлекеттен қолдау алды. Тұрғын үй сатып алу үшін жеңілдікті несие беруге 700 млн. теңгеден астам қаражат бөлінді. Ал болашақта қаражат ұлғаяды”, – деді А.Қуантыров.

Сонымен қатар, тұрғындар мәдениеттің дамуына назар аударуды сұрайды. Атап айтқанда, бұрын көркемөнерпаздар байқауы мен түрлі байқаулар өткізілген Приречныйдағы “Ауыл ел-бесігі” бағдарламасы бойынша ауылдық клуб жөнделгенін қалайды.

Министр әлеуметтік нысандарды салуға басымдық берілетінін атап өтті. Ауылдық клубқа келетін болсақ, бұл мәселе жергілікті деңгейде шешілетін болады. Келесі жылдан бастап жөндеуге арналған ағымдағы шығыстар облыс әкімдіктерінің қарамағына берілетін болады. Яғни, әрбір аудан министрлікке емес, облыс әкімдігіне әлеуметтік нысандар мен жол инфрақұрылымын жөндеуге өтінім беруі тиіс.

Сондай-ақ, ауыл тұрғындары кентішілік жолдарды жөндеуді, көше жарығын орнатуға және спорт кешенін салуға жәрдемдесуді сұрады.

Әлібек Қуантыров бұл мәселелер Абай облысын дамытудың 2023-2027 жылдарға арналған Кешенді жоспары шеңберінде шешілетінін, оны ҰЭМ облыс әкімдігімен бірлесіп әзірлейтінін және жақын арада қабылданатынын атап өтті.

Semeynews.kz