16-18 желтоқсанда Vostok Semey командасын футзалдан Қазақстан біріншілігіне алдағы қатысуға дайындау аясында, Семейде Қазақстанның Тәуелсіздік күніне арналған “ARLAN CUP” футзалынан ашық турнир өтті, – деп хабарлайды Semeynews.kz.
Турнирге 18 команда, 17 қазақстандық және 1 ресейлік команда, екі жүзден астам ойыншы қатысты.
“Новосибирск қаласының “Сібірлік” командасының қатысуы турнир деңгейін бірнеше сатыға көтергені сөзсіз. Мықты қарсыластардың арқасында турнир барысында қалған командалардың қалай алға жылжығаны байқалды. Ал 2007-2008 ж. т. жас тобындағы Новосибирск қаласының “Сібірлік” және Өскемен қаласының “ИВС бойынша БЖСМ” командалары арасындағы финал турнирдің сәніне айналды”, – деп жазды турнирді ұйымдастырушылардың бірі, “Vostok Semey” ФК құрылтайшысы және бас демеушісі Арман Машимов.
Ұйымдастырушылар атап өткендей, Vostok Semey үшін турнир тиімді өтті. Команда Қазақстан біріншілігінің алдында үлкен тәжірибе алды.
Semeynews.kz
