Семейде жылу жүйесінде ақау шықты

Семей қаласындағы көшелердің бірінде жылу жүйесінен ақау шықты, – деп хабарлайды Semeynews.kz.

Қала әкімдігінің ақпаратына сүйенсек, 2 желтоқсан күні сағат 17:25-те Ғаббасов көшесіндегі жылу жүйесінде ақау шыққан. Оқиға орнына бірден тиісті мамандар келіп, жедел қалпына келтіру жұмыстарын жүргізді, ақаулар жойылды.

«Сондай-ақ «Теплокоммунэнерго» МКК қызметкерлері шұғыл әрекет жасап, жылу жүйесін ретке келтірді. Бүгін сағат 10:15-те жылу көзінің жұмысы штаттық режимде қайта іске қосылды. Қазір үйлерге жылу тұрақты түрде беріліп жатыр», – делінген ақпаратта.

Semeynews.kz