Абай облысының полицейлері күшейтілген қызмет атқаруда

Абай облысының полицейлері күшейтілген нұсқада қызмет атқаруда, қала сыртындағы трассаларды патрульдеп, жолда қалған адамдарға көмектерін көрсетуде, – деп хабарлайды Semeynews.kz.

Облыстық ПД баспасөз қызметінің мәліметіне сүйенсек, Үржар ауданында 40 жолаушысы бар автобус Алматы тас жолында қар құрсауында тұрып қалған, сонымен қатар Тарбағатай ауданы Ақжар ауылынан шыққан көлік боран салдарынан тиісті жерге жете алмады.

Полиция мен төтенше жағдайлар қызметкерлері жолда қалған барлық жолаушыларды эвакуациялап, жақын маңдағы елді мекенге орналастырды.

Semeynews.kz