Абай облысының 3 педагогі «Үздік педагог-2022» республикалық байқауының жеңімпазы атанды

Астанада өткен салтанатты іс-шарада ақшалай сертификаттар мен төсбелгілерді Оқу-ағарту министрі Асхат Аймағамбетов табыс етті.

Байқаудың республикалық кезеңінде аудандық, қалалық кезеңдердің қорытындысы бойынша облысымыздың 5 мұғалімі «Үздік педагог – 2022» атағы үшін сынға түсті. Олардың 3-і жеңімпаз атанды:

1. Абай ауданы, Абай атындағы мамандандырылған мектеп-гимназиясының химия пәні мұғалімі – Айдос Жасұланұлы Сайлаубеков;

2. Семей қаласы, Уалиханов атындағы облыстық мамандандырылған дарынды балаларға арналған. «Жас ұлан» мектеп-лицей-интернаттың информатика пәні мұғалімі Мадина Сейсенбековна Калбагаева;

3. Семей қаласы, Бизнес және сервис колледжінің өндірістік оқыту шебері – Айгуль Айтмухаметовна Рсалиева.

Биылғы жылдың ерекшелігі байқаудың барлық кезеңі цифрландырылып, өтініш берген сәттен бастап үміткерлер байқаудың динамикасын онлайн бақылау мүмкіндігіне ие болды.