Абай облысының әкімі Семейдегі колледждерді аралады
Абай облысының әкімі Нұрлан Ұранхаев өңірдегі колледждердің жұмысымен, техникалық базасымен танысты, – деп хабарлайды Semeynews.kz.
Баршаңызға белгілі, Семей – студенттер қаласы, бәлкім, Қазақстанда отыздан астам техникалық және кәсіптік білім беру ұйымдары шоғырланған жалғыз қала. Сонымен қатар, оқу орындарының түлектері туған қаласынан тыс жерлерде әртүрлі салаларда табысты қызметтер атқаруда.
Нұрлан Ұранхаев геологиялық барлау колледжінің, геодезия және картография колледжінің, электротехникалық және бизнес және севис колледжінің жұмысымен танысты. Өңір басшысы оқу орындарының жұмысына оң баға беріп, техникалық және кәсіптік білім беру ұйымдары бүгінгі таңда сұранысқа ие мамандықтар бойынша мамандар оқытып жатқанын атап өтті.
Облыс әкімі бизнес және сервис колледжінде Абай облысының ТжКБ мемлекеттік органдары, бизнес және оқу орындарының өкілдері қатысқан жұмыс берушілер форумына барды.
– 15 қараша Қазақстанда жұмыс берушілер күні болып жарияланды. Бұл күні біздің колледжде бірқатар іс-шаралар өтеді. Бұл жұмыс берушілермен кездесу, біз жұмыс істейтін кәсіпорындардың қызметкерлерімен және оқытушылармен ашық сабақтар. Жұмыс берушілер форумы аясында қатысушыларды “Жас маман” бағдарламасы бойынша жабдықталған колледж және зертханалар бойынша экскурсия жүргізіледі. Сондай-ақ, біздің жұмыс берушілер студенттер мен жұмыс берушілер үшін шеберлік сабақтарын өткізеді”, – деді колледж директоры Альмира Кожанова.
Сапарды қорытындылай келе, Нұрлан Ұранхаев өңірге түрлі салаларда жоғары білікті мамандар қажет екендігіне назар аударды.
– Біздің қала студенттердің қаласы. Арнайы орта білім бізде әрқашан флагмандық болды. Біріншіден, олар жұмысшы мамандықтары бойынша және жоғары білім алу үшін одан әрі оқуға баратын мамандарды дайындады. Бізде жаңа облыс, бізге жұмысшы мамандықтары қажет, сондықтан біз орта арнаулы мекемелермен жұмыс істеуіміз керек. Біздің колледждер өте дамыған. Жақсы құрал – жабдықтар бар, соның арқасында колледждер ақшаны мемлекеттен ғана емес, өз бетінше таба алады, – деп түйіндеді Нұрлан Ұранхаев.
Semeynews.kz
