Семей қаласының бизнес және сервис колледжінде жұмыс берушілер форумы өтті

Оған Абай облысының ТжКБ мемлекеттік органдарының, бизнес және оқу орындарының өкілдері қатысты, – деп хабарлайды Semeynews.kz Абай облысының өңірлік коммуникациялар қызметіне сілтеме жасап.

“15 қараша Қазақстанда жұмыс берушілер күні болып жарияланды. Бұл күні біздің колледжде бірқатар іс-шаралар ұйымдастырылды. Бұл жұмыс берушілермен кездесу, біз жұмыс істейтін кәсіпорындардың қызметкерлерімен және оқытушылармен ашық сабақтар өтті. Жұмыс берушілер форумы аясында қатысушыларға “Жас маман” бағдарламасы бойынша жабдықталған колледж және зертханалар бойынша экскурсия жүргізілді. Сондай-ақ, біздің жұмыс берушілер студенттер мен жұмыс берушілерге шеберлік сабақтарын өткізді”, – дейді колледж директоры Альмира Қожанова.

Форумның мақсаты кадрларды даярлаудағы проблемалық мәселелерді талқылау және ынтымақтастықты жолға қою болды.

“Бүгін бізде жұмыс берушілер форумы өтті. Оған Семей жұмыс берушілері, шағын, орта және ірі бизнес субъектілері, сондай-ақ қаланың колледждері мен білім беру мекемелері қатысты. Форумның мақсаты – кадрларды даярлау кезіндегі проблемалық мәселелерді талқылау және ынтымақтастықты жолға қою”, – деді Абай облысының “Атамекен ” ҰКП өкілі Әлия Журсымбаева.

Форумда дуальді оқыту мәселелері, оның маңыздылығы және дуальді оқыту нысаны бойынша кадрларды даярлаудың оң әсерлері талқыланды.

“Дуальды оқыту – бұл әлемдік тәжірибеде қолданылатын және тәжірибеден өткен нақты өндіріске маман дайындауға мүмкіндік беретін үрдіс. Жұмыс беруші колледжбен дуальді оқыту шартына қол қойып, оқушыларды өз өндірісіне даярлауға қабылдайды және студенттердің дағдыларын өз өндірісіне сүйеніп, дайын мамандарды жұмысқа орналастырады”, – деп толықтырды Әлия Журсымбаева.

Қазіргі уақытта Абай облысында 1339 шарт жасалған, оның 306-сы кәсіпорындармен және 29 колледжбен жасалған.

Semeynews.kz