Семей қаласының әкімдігі “Үздік жаңа жылдық безендіруге” байқау жариялайды

Семей қаласының әкімдігі “Үздік жаңа жылдық безендіруге” байқау жариялайды, – деп хабарлайды Semeynews.kz.

Құрметті қала тұрғындары!

Жаңа жыл қарсаңында Семей қаласының әкімдігі, сіздерді өз қарамағыңыздағы нысандарды мерекелік безендіруге шақырады. Қаланы безендіру мақсатында тақырыптық дизайн жасау, маңдайшаларды (жарнамаларды) жаңарту, түнгі жарықтандыруды қосу, ағаштарға жарық қондырғыларын орнату, іргелес аумақты абаттандыру ұсынылады.
🌲Конкурсқа кез келген заңды тұлғалар, жеке кәсіпкерлер, бюджеттік ұйымдар және Семей қаласының барлық тұрғындары қатыса алады.

Байқау 2022 жылғы 1-21 желтоқсан аралығында келесі номинациялар бойынша өтеді:

🎄Кәсіпорынның (ұйымның)қасбеті мен іргелес аумағын үздік жаңа жылдық безендіру;
🎄Жеке кәсіпкерлік объектілерінің (сауда үйлері, базарлар, супермаркеттер)қасбеттері мен іргелес аумақтарын жаңа жылдық үздік безендіру;
🎄Көппәтерлі үйлердің аула аумағын ең сәнді жаңа жылдық безендіру.

Қатысуға өтінімдер Абай облысының Семей қаласы Мәдениет және тілдерді дамыту бөліміне, мына мекенжай бойынша қабылданады: Семей қаласы, Абай көш., 97 немесе cbs_semey@mail.ru электрондық поштасына жіберуге болады, анықтама телефоны 56-08-10.
Конкурстың толық ережесімен, Семей қаласы әкімдігінің сайтында танысуға болады.

Конкурстың жүлде қоры-1 500 000 теңге.

Semeynews.kz